"Neftçi" klubunun təcrübəli futbolçusu Rəhman Hacıyevin Futbolmedia.Az saytına müsahibəsi.

Rəhman ilk olaraq sənin durumunla bağlı danışmağını istərdim. Biliridik ki, zədən vardı. Lakin deyəsən bir qədər uzun çəkti. Bir həftəlik sıradan çıxdığı deyilirdi. Hazırda durumun nə yerdədir?

Mənim zədəm ikinci dərəcəli dartma idi. Bundan başqa biraz da, qan yığıntısı vardı. Buna görə də, biraz uzun çəkdi. Zədə biraz uzun çəkdi. Bundan başqa risk etmək də, istəmədik. Həkimlər bir qədər də, gözləməyi məsləhət gördülər. Hazırda məşqlərimi edirəm. Hər şey yaxşıdır. Heç bir ağrı yoxdur.

Sənin yoxluğunda komandan güclü rəqiblərindən olan “Zirə”ni böyük hesabla məğlub etdi. Belə bir nəticəni gözləyirdinizmi?

“Zirə”də çox yaxşı komandadır. Lakin komandamdan qələbəni gözləyirdim. Komandamız və bütün futbolçular sonacan meydanda döyüşdülər. Buna görə də, qalibiyyət bizim oldu. Bu qələbə münasibəiylə komandamı təbrik edirəm.

Növbəti oyun “Sumqayıt”a qarşı olacaq. Sənin də, bu oyunda yer ala biləcəyin gözlənilir. Rəqibin baş məşqçisi Azərbaycan çempionu olub. Təcrübəli mütəxəssizlərdən hesab edilir. Və sizinlə oyuna bir ölüm –dirim savaşı olaraq çıxacaqları deyilir. “Neftçi”yə də, çempionluq yolunda 3 xal hava-su kimi lazımdır. Təcrübəli futbolçu kimi bu oyunu necə dəyərləndirərdin?

Əlbəttə ki, çox çətin oyunlardan olacaq.Rəqib komanda da, qalib gəlmək üçün sona qədər mübarizə aparacaq. Buna görə də, qələbədən sonra boşalmaq olmaz. Çünki “Sabah”la aramızdakı xal fərqi artıq 6 xaldır. Bu heç də, az fərq deyil. Bütün oyunlar bizim üçün çox vacibdir. Buna görə də, bizə mütləq qələbə lazımdır. İnşəallah inanıram ki, sonacan mübarizə aparıb qalib gələcəyik.



İki turdu ki, məlum səbəbdən oynamırdın. Necə düşünürsən baş məşqçi Regekampf səni meydana buraxacaqmı. Çünki artıq neçə turları idi ki, oynayırdın. İstər “Turan Tovuz”la səfərdə, istərsə də, “Kəpəz”ləoyunda meydanda idin. Oynadığın matçların çoxunda yüksək performans göstərirdin. Həm qol ötürmələri verirdin, həm də, qol vururdun. Yəni baş məşqçi sənə artıq etimad göstərirdi. Dmək olar ki, hər oyunda meydanda olurdun. “Sumqayıt”la oyunda səni yenə meydanda görə biləcəyikmi?

Bu barədə hələ heç bir dəqiq söz deyə bilmərəm. Çünki buna birbaşa baş məşqçi qərar verir. Bütün səlahiyyətlər ondadır. Bunla bağlı futbolçulara baş məşqçi açıqlama vermir. Düzdü, oynadığım oyunlarda özümü yaxşı tərəfdən göstərməyi bacarmışam. Baş məşqçi də, razı qalmasaydı, məni digər oyunlarda meydana buraxmazdı. Lakin iki tur oynamamışam. Ancaq “Sumqayıt”la oyuna qədər tam hazır olacam. İnanıram ki, baş məşqçi mənə şans verəcək. Çünki fərdi məşqlərə də, daha tez başlamışam. Zədə səbəbindən iki tur istirahət edim. Dincəlməyimiz bəs edər. Artıq yenidən oynamaq vaxtıdır(gülür). Necə deyərlər ki, oynamaq üçün artıq darıxmışam. Baş məşqçi şans versə, komandamın qələbəsi çün əlimdən gələni edəcəm. İnanıram ki, qələbə bizimlə olacaq.

Əli HƏYATİ