"Keşlə" klubunun futbolçusu Rəhman Hacıyevin Futbolmedia.Az saytına müsahibəsi.

Rəhman artıq bir neçə gündən sonra premyer liqada yaranan fasiləyə son veriləcək. Növbəti rəqibiniz güclü “Zirə” klubudur. Bu oyunla bağlı nə deyərdin?

Düzünü deyim ki, çox çətin oyun olacaq. Çünki kubok qarşılaşmasında “Səbail” üzərində böyük hesablı qalibiyyət əldə etdilər. Buna görə, ruh yüksəkliyi var. “Zirə” keçən ildən özünü yaxşı komanda olaraq göstərməyi bacarıb. Görürsən ki, komandanın özünə məxsus bir sistemi var. Lakin bütün bunlara baxmayaraq meydana qələbə üçün çıxacağıq. Onu deyim ki, kubok daxil qarşıdakı gələn oyunlar bizim üçün çox ağırdır. Hər biri çox güclü komandadır. Ancaq mən komandamıza, məşqçimizə güvənirəm. İnşəallah qələbə bizim olacaq.

“Zirə”nin daha çox hansı mövqeyini sizin üçün daha təhlükəli hesab edirsən?

Belə deyim ki, rəqib komanda şəklində daha təhlükəli olurlar. Mən onların “Səbail”lə oyunlarını izlədim. Lakin rəqib komandadan, komandaya fərqli oyun üslubu seçə bilir. Hər bir komanda ilə özlərinə məxsus oyun sistemi olur. Buna görə də, sırf hansısa göstəricini demək olmaz. Biz “Zirə”ni yaxşı analiz edəcəyik. Bundan sonra nəsə demək olar.

Bəs bu oyunda “Keşlə”nin qələbə şanslarını necə dəyərləndirirsən?

Bizim komandada əskiklər çoxdur. Belə ki, zədəlilərimiz həddindən artıq çoxdur. Santos, Neto kimi legionerlər zədəlidir. Bunlar da, komandanın oyununa az təsir göstərmir. Ancaq bütün bu çətinliklərə baxmayaraq biz meydana qələbə üçün çıxacağıq.