"Neftçi" klubunun məşhur futbolçusu Rəhman Hacıyevin Futbolmedia.Az saytına müsahibəsi.

Rəhman Premyer Liqanın növbəti turunu çətin Qəbələ səfəri keçirdiniz. Çünki “Qəbələ” ilə oyunlardan hər klub xalla dönə bilmir. Lakin siz bunu bacardınız. Bol qollu, maraqlı və gərgin bir matç oldu. Aydın görünürdü ki, hər iki komanda üç xal üçün meydanda sonacan döyüşdü. Lakin “Neftçi”nin oyunu əvvəlkilərinə bənzəmirdi. Bir qədər zəif təsir bağışladınız. Ümumilikdə oyun haqda fikirlərin?

“Qəbələ” ilə oyundan öncə də, bildirmişdim ki, səfər matçı bizim üçün çətin keçəcək. Bilirsiniz ki, Qəbələ yüksəklik olan bir yerdi. Oranın havası bir qədər ağır olur. Bundan başqa, havada da, ağırlıq vardı. Futbolçular üçün belə hava şəraiti çox ağır olur. “Qəbələ”ni yerli futbolçular üçün çətin deyildi. Çünki onlar uzun zamandı bu hava şəraitinə, bu bölgəyə uyğunlaşıblar. Bu üzdən daha yaxşı oyun sərgiləyə bilmədik. Lakin bütün bu çətinliklərə baxmayaraq, səfərdən üç xalla, qələbə ilə qayıtmağı bacardıq. Meydanda sonacan döyüşdük.

Sən meydana sonradan çıxsan da, qısa zaman kəsiyində “Qəbələ”nin qapısında təhlükəli vəziyyətlər yaratdın. Belə ki,5 dəqiqə ərzində rəqib qapısına uzaqdan 2-3 dəfə təhlükəli zərbələrlə yadda qaldın. Əslində bir futbolçu üçün belə çox az, cüzi vaxt kəiyində buna nail olmağı bacardın. Əslində, bu sənin yüksək futbolçu keyfiyyətlərinin olmasının göstəricisidir?

Əlbəttə ki, qısa vaxt kəsiyində buna nail olmaq futbolçu üçün çox çətindir. Çünki meydanda çox az oldum. Cəmi 5-6 dəqiqə mübarizə apardım. Lakin bu vaxt ərzində əlimdən gələni etdim ki, komandama kömək edim. Doğrudur ki, 2-3 təklükəli zərbə ilə yadda qaldım. Düşünürəm ki, daha çox zamanım olsaydı, meydana daha əvvəl girsəydim, qol da vura bilərdim.


Çempionatın 5-ci turunda gözəl qolla öz sözünü dedin. Yəni əsas heyətə layiq olduğunu, heç bir komanda yoldaşından geri qalmadığını göstərməyi bacardın. Necə düşünürsən, baş məşqçiniz cənab Regekampf növbəti turda sənə şans verəcəkmi. Əslində Rumın mütəxəssizin səni bəyəndiyini bilirik. Yəni əsas heyətdə olmağını, daha erkən meydana çıxmağını nəzərdə tuturam?



“Neftçi”də oyuna qədər kimin əsas heyətdə olcağı bilnmir. Baş məşqçi son anda bilinir. Baş məşqçimiz məni əsas heyətəburaxmasa belə ona hörmətlə yanaşıram. Mənim özümə gəlincə isə bütün oyunlara tam hazır oluram. Məni çox yaxşı tanıyırsınız. Bilirsiniz ki, bir futbolçu olaraq çox nizam – intizamı futbolçuyam. Bundan başqa daim öz üzərimdə çalışanam. Mənim meydanda qollar vuramğım üçün, əla performans göstərmək üçün daha çox vaxta ehtiyyacım var. Meydanda, oyunda daha çox vaxt olsam, daha yaxşı nəticələr verə bilərəm.



Növbəti turda “Səbail”lə qarşılaşacaqsınız. Bu oyunda qələbə şanslarınızı necə görürsən?

Səfər oyunu süni meydançada olacaq. Bu amil də, heç yaxşı deyil. Bilirsiniz ki, süni meydançalarda oynamaq futbolçuların sağlamlığı üçün çox təhlükəlidir. İstənilən zaman ömürlük zədə ala bilərsən. Rəqib komandanın meydançası isə yaxşı durumda deyil. Sintetika meydançalarda isə yaxşı oyun sərgiləmək olmur. Lakin bütün çətinliklərə baxmayaraq, səfərə qələbə qazanmaq üçün gedəcəyik. İnanıram ki, meydanı sonda yaxşı nəticə ilə tərk edən biz olacağıq.

Əli HƏYATİ