"Şamaxı" klubunun qol maşını Rəhman Hacıyevin Futbolmedia.Az saytına müsahibəsi.

Rəhman ilk olaraq, “Qəbələ” ilə səfərdəki oyundan danışmaq istərdim. Çoxları oyunda meydan sahibi “Qəbələ”ni fovarit hesab edirdi. Lakin səfərdə sürpriz edərək, xalla dönməyi bacardınız. Ancaq çox gərgin qırmızı vərəqələri bol olan bir matç oldu. Oyun və nəticə haqda fikirlərin?

Açığı deyim ki, mən səfərdə qələbə qazanacağımıza inanırdım. Çünki hesabda da, irəlidə idik. Lakin qırmızı vərəqə alandan sonra hesab bərabərləşdi. Bundan başqa Qəbələnin bilirsiniz ki, havası çox ağır olur. Yəni yüksəklik, dağlıq yerdir. Mən həmin oyunda özümü çox pis hiss etdim. Buna görə də, oyunu yarımçıq dayandıraraq, meydanı tərk etdim. Çünki başım çox gicəllənirdi. Özümü yaxşı hiss etmirdim. Düzünü deyim ki, tam başım çıxmadı niyə belə oldu.

Ola bilərmi ki, oyun biraz erkən başlamışdı. Və bu saatda Qəbələdə hava isti idi. Bundan ola bilərmi. Yoxsa?

Həm hava çox isti idi. Həmçinin də, Qəbələnin havası çox ağırdır. Çünki tək məndə deyil, çox futbolçularda bu hallar yaşandı. Lakin bu çətinliklərə baxmayaraq yenə də, xalla dönməyi bacardıq. Düşünürəm ki, azlıqda qalmasaydıq, evə qələbə ilə dönə bilərdik.

Oynadığın qısa müddətdə belə Rəhman çox yaxşı təsir bağışladın. Həm hücumlar zamanı yaratdığın təhlükələr, ötürmələrin yerində idi. Bundan başqa komandanı öz arxanca aparmağı bacaran liderlik xüsusiyyətinə maliksən. Oyununla bağlı nə deyərdin?

Özümü çox pis hiss edəndən sonra meydandan çıxdım. Lakin bu ana qədər pis təsir bağışlamadım. Özünüz də, gördünüz ki, həm hücum zamanı rəqib qapısı qarşısında yaratdığımı təhlükəli vəziyyətlərdə, həm də ki, ötürmələrin yaxşı alınırdı. Lakin ümumilikdə tam istədiyimi ortaya qoya bilmədim. Çünki oyun başlayandan bəri halım dəyişmişdi. Düşünürəm ki, səhətim belə olmasaydı, daha yaxşı oynaya bilərdim.

Növbəti oyununuz sənə də, yaxşı tanış olan son ölkə çempionu “Neftçi”yə qarşı olacaq. Rəqibiniz də, neçə turlardı yaxşı oyun sərgiləyir. Qələbələri sıralayaraq hazırda turnir cədvəlinin 2-ci pilləsinə yüksəlib. Bu oyunla bağlı nə deyərdin?

“Neftçi” ilə oyun yeni stadionumuz, yeni məkanımız Şamaxıda olacaq. Məlumatıma görə, gözəl bir açılış olmalıdır. Yerli sakinlər həm açlışı, həm də, “Neftçi” ilə oyunu izləyəcəklər. Düşünürəm ki, yerli sakinlərin, azarkeşlərin önündə çox yaxşı bir oyun olacaq. Bu oyun tam başqa bir otmasferdə keçəcəyini düşünürəm. Oyuna gəlincə isə çox çətin bir qarşılaşma olacaq. Bizim komanda da, bir neçə turdu məğlub olmur. Lakin bu oyunda bizə də, qələbə mütləq lazımdır. Rəqib komanda “Neftçi” də artıq neçə turlardır ki, qələbə qazanır. Hazırda yaxşı formadadırlar. Mən özüm də, bu oyunu çox həvəslə gözləyirəm.



Hətta azarkeşlər də, səndən bu oyunda qol gözləyirlər. Çünki “Neftçi” ilə oyunda sənin daha yaxşı oynayacağın, nəyisə sübut etməyə çalışacağına işarə vururlar. Çünki sən ineçə il “Neftçi”də oynamısan. Azarkeşləriniz səndən qol gözləyirlər. Bu oyunda qol vuracağını hiss edirsən?

Mən oyuna da, çox yaxşı hazırlaşmışam. “Neftçi” yə qarşı oyunların demək olar ki, çoxunda onlara qol vurmağı bacarmışam. Öz meydanımızda (3:2) hesabı ilə qalib gəlmişdik. Hətta sərəfdə də, çoxlu real qol imkanlarımız oldu. Mən “Neftçi”nin futbolçusu olaraq, icarə əsasında “Şamaxı”da oynasam da, bu heç nəyi dəyişmir. Düzdü, mənim bu komanda da, 7 ilim keçib. Bu az bir şey deyil. Hətta “Neftçi”yə vurduğum qollardan sonra heç vaxt sevinə bilməmişəm. Lakin bu mənim onlara qol vurmayacağım anlamına gəlməz. Meydanda sonacan vuruşacam. Yəni qol vurub “Şamaxı”ya qələbə qazanması üçün əlimdən gələni edəcəm. İnşəallah qələbəni biz qazanarıq.

Əli HƏYATİ