"Neftçi"nin aparıcı üzvü Rəhman Hacıyevin Futbolmedia.Az saytına müsahibəsi.

Rəhman çətin Gəncə səfərindən qələbə ilə qayıtdınız. Onu da, deyim ki, “Neftçi”nin hər zaman bölgə klubları ilə oyunları çətin , maraqlı və anşlaqla keçib. Stadionda möhtəşəm bir otmasfer vardı. Bu qələbə sizə hava-su kimi vacib idi. Qazandığınız qələbəni dəyərləndirərdin?

Gəncədə “Kəpəz”lə oyunun otmasferi əla idi. Azərkeşlər oyuna xüsusi rəng qatırdı. Hər zaman futbola maraq vardı. Yerli azarkeşlərin “Kəpəz”ə verdiyi dəstək, onların gücünə - güc qatmışdı. Mən gördüyümü deyirəm. Rəqib komanda həqiqətən də, çox yaxşı oynadı. Məğlub olsalar belə əla təsir bağışladı. Lakin mən öz oyunumuzdan biraz narazı qaldım. Çünki “Neftçi” olaraq daha yaxşı oyun sərgiləyə bilərdik. Ən yaxşısını edə bilərdik. Əlbəttə ki, qələbə qazanmağımız çox vacib idi. Və tarixdə nəticələr qalır. Lakin düşünürəm ki, növbəti turda bu problemi aradan qaldırmalıyıq. Daha yaxşı oyun sərgiləməliyik. Nəticəyə görə isə çox sevinirəm. İrəliyə doğru baxırıq.

Sən meydana çıxdığın zaman ən çətin oyunlarda belə öz performansını göstərməyi bacarırsan. Yenə də, sənin vacib ötürməndən sonra komandan qol vurdu. Yenə də, qələbədə pay sahiblərindən oldun. Verdiyin ötürmələr, etdiyin hücumlar, vurduğun qollar avropada çıxış edən klass futbolçuları xatırladır. Bu üzdən artıq baş məşqçiniz Regekampf sənə əsas heyətdə daha çox şans verməyə başlayıb. Bir sözlə, sənə inamı artıb. Sən necə düşünürsən?

Mən ilk olaraq, baş məşçimizin verdiyi şansları maksimum dəyərləndirməyə çalışırm. Mən də, çox sevinirəm ki, gəncə səfərindən gələn qələbə qolunda, qazanılan üç xalda mənim də, payım var. Hər hansı bir oyunda komandama kömək etməyim, asist etməyim, qol vurmağıma çox sevinirəm. Çalışıram ki, daha yaxşısını edim. Şükürlər olsun ki, bu məndə alınır. Hər şey yavaş –yavaş qaydasına düşəcək. Və zaman keçdikcə daha yaxşı olac. Mənim də, xəbərim var. Çox sevinirəm ki, baş məşqçi mənə artıq etimad göstərməyə başlayıb. İnanıram ki, daha çox şans qazanacam. Və əlimdən gələni edəcəm ki, daha yaxşı nəticələr verim. Hər meydana çıxanda nə isə yaxşı bir işimlə yadda qalıram. Buna çox sevinirəm. Baş məşqçi mənim yaxşı oynamağımla bağlı danışığımız olmayıb. Lakin baş məşqçimiz peşəkardır və məşqlərdə hər bir futbolçunu çox ciddi izləyir. Mən də, məşqlərdə özümü yaxşı tərəfdən göstərməyə çalışıram. Yəqin ki, məşqlərdə ciddi, intizamlı və istəkli olduğumu görür. Mənə verdiyi hər bir şansdan maksimum yararlanmağa çalışıram. Oyunlarda, qələbələrdə payıb varsa, baş məşqçi də, bunu dəyərləndirir. Mən də, buna çox sevinirəm.



Etibarlı mənbədən aldığımız məlumata sən “Kəpəz”lə oyuna hətta zədəli olaraq çıxmışdın. Zədəli olmağına baxmayaraq çox yaxşı təsir bağışladın. Zədəli olmağın isə heç hiss olunmurdu. Bu doğrudur?

Bəli. Mən oyundan üç gün öncə yüngül zədəalmışdım. Məşqlərdə belə ağrını hiss edirdim. Lakin düşünürdüm ki, ağrı çıxıb gedər. Buna görə də, məşqlərimdən qalmırdım. Oyun günü də, ağrılarımın azalması üçün çox şey etdim. İkinci yarıda meyda çıxdım. Meydanda az müddət olmadım. 50 dəqiqədən çox oynadım. Oyundan sonra ayağım şişdi. Həkimə gedərək MRT-dən keçdim. Məlum oldu ki, ayağımı ikinci dərəcəli dartmışam. Yəni dartınma var.

Çox uzun sürə futbolsuz qalacaqsan. Yoxsa?

Xeyir. Şükürlər olsun ki, ağır zədə deyil. Bir neçə günə pərpa ola bilərəm. Çox güman ki,”Sabah”la oyunu buraxacam. Yəni uzağı bir həftə çəkər. İnşəallah növbəti turun oyununa hazır olacam.

Meydanda olmasan belə bir ciddi “Neftçi”li futbolçu olaraq ürəyin, fikrin, gözləin “Neftçi”nin “Sabah”la oyununda olacaq. “Sabah” ən çətin rəqiblərinizdən biridir. Çox ağır oyun olacağı gözlənilir. Bu matçda komandanın hyansı nəticəsinə ümüd edirsən. Nə gözləyirsən?

Əlbətt ki, komandama çox güvənirəm. “Təbbi i, “Neftçi”dən qələbə gözləyirəm. Düzdü, “Sabah” çox yaxşı və güclü komandadır. Lakin bizim üçün rəqiblərin fərqi yoxdur. Hər bir rəqibimizə hörmətlə, ehtiyyatla yanaşırıq. İstər autsayder olsun, istərsə liderlər sırasında. Hər bir rəqibimizə hörmətlə yanaşıram. Heç bir rəqibimizdən də, qorxmuruq. İnşəallah meydana çıxıb oyunumuzu oynayacağıq. İnanıram ki, bu oyunda qalib gələn tərəf biz olacağıq.