"Şamaxı" klubunun futbolçusu Rəhman Hacıyevin Futbolmedia.Az saytına müsahibəsi.


Rəhman Premyer Liqanın 25-ci turunda ikinci dəfə doğma meydan sayılacaq “Şamaxı” stadionunda “Səbail”i qəbul edəcəksiniz. Artıq turlar ötdükcə çempionatda gərginlik artır. Bir neçə tur öncə bu rəqibinizi böyük hesabla məğlub etmişdiniz. Səndə həmin oyunda gözəl qola imza atmışdın. Bu oyundan nə gözləyirsən?

Bir neçə turdu böyük hesablarla olan məğlubiyyətlər bizə çox pis təsir etdi. İstər – istəməz ruh düşgünlüyü oldu. Lakin biz yaxşı başa düşürük ki, bu futboldur. Və bir peşəkar futbolçular olaraq irəli doğru addımlamalıyıq. Çünki qarşıda bizləri hələ dörd oyun gözləyir. Bu oyunlardan xallar almaq lazımdır. Mütləq qələbələr qazanmaq lazımdır. Bunu bütün komandamız dərk edir. “Səbail”lə oyuna yaxşı köklənməliyik. Bu komandanı bir neçə tur öncə məğlub etməyi bacardıq. Məndə həmin oyunda qollardan birini vurdum. Lakin “Səbail” komandası da, hər an istənilən nəticə qazanma bilən komandadır. Lakin meydan 3 xal üçün çıxacağıq. Bu qələbə bizə çox lazımdır.

Bildiyimə görə, belə nahiyəsində zədən vardı. Yəni bu səbəbdən “Sabah”la oyunu buraxmışdın. Hazırda durumun nə yerdədir. Səni növbəti tur “Şamaxı”nın oyununda görə biləcəyikmi?

Doğru deyirsiniz ki, səhətimdə problem oldu. Daha doğrusu belimdə biraz ağrılar oldu. Buna görə “Sabah”la oyunu buraxmalı oldum. Lakin hazırda hər şey qaydasındadır. “Səbail”lə növbəti turdakı oyunda meydanda olacam.

“Səbail” evdə “Qəbələ”ni böyük hesabla məğlub etməyi bacardı. “Neftçi” azlıqda qaldı. Və çox çətinliklə qalib gəldi. Bütün bunlar “Səbail”lə oyunun ağır keçəcəyindən xəbər verdiyini söyləmək olarmı. Yoxsa,yenə böyük hesabla qalib gəlmək iddiasındasınız. Yəni tarixi təkraralamaq?

“Səbail”lə oyunda çox diqqətli olmalıyıq. Bəli bu komanda son oyunlarında çox yaxşı təsir bağışlayır. Onlarda sonuncu pillədən qurtulmaq üçün meydanda sona qədər mübarizə aparacaqlar. Lakin biz doğma meydanda, öz azarkeşlərimiz önündə oynayacağıq. Bu bizim üstünlüyümüzdür. İnanıram ki, meydanı qələbə ilə tərk edən komanda biz olacağıq.



“Şamaxıda yerli azarkeşlər önündə keçirilən “Neftçi” ilə ilk oyunda fantastik qola imza atmışdın. Bu oyunda vurduğun qol həm futbol camiəsində böyk coşqu yratmışdı. Həm də, Şamaxılı azarkeşlərin rəğbətini qazanmışdın. Bu dəfə necə. Yenə onları qol vurub sevindirəcəyini vəd edirsən?

Şamaxıda keçirilən oyunda böyük coşqu ilə qarşılandıq. Möhtəşəm azarkeş dəstəyi vardı. İnşəallah inanıram ki, “Səbail” ilə oyunda da, bu dəstək təkrarlanacaq. Vurduğum qola azarkeşlərin rəğbətini qazanmaq çox xoş hisdir. Bundan başqa, onların stadionda möhtəşəm dəstəyi futbolçulara ruh yüksəkliyi verilir. Həqiqətən də, azarkeşsiz futbol bir şey deyil.Əlimdən gələni edəcəm ki, komandam qalib gəlsin. Çalışacam ki, qol vurub azarkeşlərimizi sevindirim. Komandamız birlik göstərib, qələbə qazanması üçün əlindən gələnin edəcəyik.

Bildiyimiz məlumata görə mövsümün sonu “Şamaxı”dan ayrılacaqsan. Lakin klub səni hər vasitə ilə saxlamağa çalışır. Bəs sən necə düşünmüsən. Birdə ki, ölkə xaricindən gələn təkliflərin ən iddialısı Türk klubudur. Bu doğrudur?


Bəli. Mövsümün sonunda komandanı tərk edəcəm. Onu da, düz deyirsiniz ki,klub rəhbərliyi mənim komandada qalmağımı istəyir. Lakin bir neçə təkliflər almışam. Həm yerli, həm də, ölkə xaricindən dəvətlər var. Ölkə xaricindən gələn təkliflər daha çox və daha cəlbedicidir. Çox güman ki, ölkə xaricinə yollanacam. Əlbəttə ki, Türkiyə klubundan da, yaxşı təklif gəlib. Sadəcə, hələ tələsmək istəmirəm. Əvvəla, qarşda 4 tur var. Fikrimi bir peşəkar futbolçu olaraq oyunlara yönəltmişəm. Mövsümün sonunda fikirləşib doğru qərar verəcəm.


Əli HƏYATİ