"Səbail" klubunun təcrübəli qapıçısı Rəşad Əzizlinin Futbolmedia.Az saytına müsahibəsi.

Rəşad Premyer Liqanın 21-ci turunda səfərdə ölkənin ən güclü klubu “Qarabağ”a qarşı oynadınız. Çoxları bu oyunda sensasiya ola biləcəyini düşündü. Çünki bu mövsüm “Qarabağ”ı məğlub edə bilmişdiniz. Lakin böyük hesabla məğlub oldnuz. Oyun haqda fikirlərin?

Bilirdik ki, hansı rəqibə qarşı oynayırıq. Öncədən də, məlum idi ki, bizi asan oyun gözləmir. Düzdü,bu mövsüm “Qarabağ”ı məğlub etməyi, xal almağı bacarmışdıq. Buna görə də, oyuna çox ciddi hazırlaşmışdıq. Ümüd edirdik ki, yenə də, xal ala bilərik. Lakin ilk hissədə erkən buraxdığımız qol matçın taleyini həll etdi. Komanda bundan sonra qollar buraxaraq, məğlub oldu. Mən deməzdim ki, tam olaraq müdafiə olunurduq. Rəqib qapısına doğru hücumlarımız da olurdu. Bir qol vurmağı da, bacardıq. Lakin məğlubiyyət qaçılmaz oldu. Sanki komandamız “qara zolağa”a düşüb.

Növbəti turda evdə güclü “Qəbələ”yə qarşı oynayacaqsınız. Bəs bu oyunda xal götürmək şanslarınızı necə dəyərləndirirsən?

Biz bütün oyunlara qələbə üçün çıxırıq. Artıq çox zaman oldu ki, “Səbail” qələbə qazana bilmir. Düşünürəm ki, qələbə üçün hər şey etməliyik. “Qəbələ”yə gəlincə isə çox güclü rəqibdir. Bütün rəqiblərə qarşı öz futbollarını sərgiləyirlər. Baxmayaraq ki, üç oyuna qapılarından 10 top buraxıblar. İstənilən halda çox təhlükəli rəqibdir. Onların “Keşlə” ilə sonuncu oyunlarına baxdım. Çox yaxşı təsir bağışladılar. Lakin biz də, öz meydanımızda yalnız qələbə üçün oynayacağıq.

Sən kifayyət qədər təcrübəli qapıçısan. Bir çox klublrda forma geyinmisən. Lakin bu gün əsas heyətdən kənarda qalmısan. Əslində “Qarabağ”la oyunda yerin çox görsənirdi. Daha təcrübəli qapıçı olaraq meydanda olsaydın, bəlkə də, hesab belə böyük olmazdı. Ola bilər ki, xal da, qazana bilərdiniz. Bəs sən necə düşünürsən?

Mən də, düşünürəm ki, kifayyət qədər təcrübəm var. Məşqlərimi hər zaman yüksək səviyyədə edirəm. Əsas heyətdə oynamamağıma gəlincə isə bu məndən aslı bir şey deyil. Buna baş məşqçi Aftandil Hacıyev qərar verir. Baş məşqçi də, mənə çox güvəndiyini deyir. Sadəcə, digər qapıçı həmkarıma da, əsas heyətdə oynamaq şansı verilib.



Düşünürsən ki. növbəti oyunlarda baş məşqçi yenidən sənə şans verəcək?

İnanıram ki, növbəti turlarda mən də, əsas heyətdə olacam. Yenə deyirəm məşqlərdə də, özümü yaxşı tərəfdən göstərməyi bacarıram. Sadəcə, baş məşqçi həkar qapıçını yoxlamaq qərarına gəlib. Ona da, şans verib. Əsas heyətdə oynamaq üçün əlimdən gələni edəcəm. Öz komandama kömək etmək üçün var gücümlə çalışacam.

“Səbail”ə gəlməyinin əsas səbəbi nə idi. Yəni “Zirə”dən bir qədər zəif komanda olan “Səbail”ə gəlməyin əsas səbəbi?

Buna ən əsas səbəb kimi oynamaq istəyim olub. Yəni “Səbail”ə gəlişimdə məqsəd daima oynamaq olub. Əsas heyətdə şans qazanmaq.

Əli HƏYATİ