"Neftçi" klubunun təcrübəli futbolçusu Rəhman Hacıyevin Futbolmedia.az saytına müsahibəsi.

Rəhman Azərbaycan Premyer Liqasında “Səbail”lə oyun həm maraqlı, həm qolu bir matç oldu. Bu oyunda qələbədə ən əsas pay sahiblərindən biri sən oldun. Çünki demək olar ki, hər iki qol ötürməsi səndən gəldi. Ümumiyyətlə, özünün belə oyununu, belə nəticəni gözləyirdinmi?

Əlbəttə ki, qələbəni gözləyirdim. Çünki komanda olaraq da, çox istəkli idik. Bundan başqa mən özüm də, çox istəkli idim. Meydana atılmaq zamanımı gözləyirdim. Digər oyunlarda çox qısa zaman kəsiyində meydanda olurdum. Belə qısa zamanda çox şey etmək olmur. Lakin “Səbail”lə oyunda baş məşqçimiz mənə daha çox oynamaq şansı verdi. Matçın 24-cü dəqiqəsində meydana girdim. Əlimdən gələni etdim ki, komandamın qələbəsində kömək edim. Gördüyünüz kimi iki qolun vurulmasında iştirak etdim. Rəqib komandanın müdafiəsini daim təzyiq altında saxlamağa çalışdım. Düşünürəm ki, baş məşqçi mənə meydanda daha çox olmağıma şans verərsə, “Neftçi” üçün daha çox fayda verə bilərəm. Bunu “Səbail”lə oyunda bir daha sübut etdim. İnanıram ki, növbəti oyunlarda əsas heyətdə belə meydana çıxmaq şansı alacam.

İki qol ötürməsindən başqa komanda yoldaşlarına qol vurmaq üçün bir neçə real qol imkanı yaratdın. Mən deyərdim ki, Kenniyə hava ilə möhtəşəm real qol ötürməsi verərək, onu qapıçı ilə təkbə -tək çıxardın. Digər ötürmələrində oldu. Sən həmin oyunda dominantlıq etdiyinin fərqinə varırsan? Yəni oyun birbaşa sənin üzərində qurulmuşdu. Meydanın hər tərəfində sanki sən vardın. Yəqin ki, öz gözəl oyununu qiymətləndirirsən. Baş məşqçi oyundan sonra sənə nəsə dedi?

Oyundan sonra hər kəs evə gedir. Bilirsiniz ki, milli komandanın oyunu ilə əlaqədar çempionatda fasilə olacaq. Bu görə, fasilədən sonra toplanacağıq. Yəqin ki, komanda toplanıb son oyunu və qarşıdakı oyunu analiz edəcəyik. Onda mənim də, çıxışım dəyərləndiriləcək. Çox doğru dediniz ki, oyun zamanı iki qol ötürməsindən əlavə komanda yoldaşlarım üçün bir neçə real qol imkanı yaratdım. Kenniyə etdiyim gözəl ötürməni də,xüsusi vurğulamaq olar. Təəssüflər olsun ki, həmin imkanları dəyərləndirə bilmədik. Lakin ümumilikdə hər şey bizim üçün əla oldu. Əlbəttə ki, göstərdiyim möhtəşəm oyunun fərindəyəm. Məncə hər şey əla oldu. Ən əsası komandamız çempionuq yolunda daha bir qələbə qazandı. Əlimdən gələni edəcəm ki, növbəti turlarda meydanda daha gözəl performans göstərim. Ən əsası da, komandamın qələbəsi üçün sona qədər döyüşüm.

Növbəti rəqibiniz ölkənin ən güclülərindən olan, Avrokuboklarda möhtəşəm oyun sərgiləyən “Qarabağ”a qarşı olacaq. Bu çətin qarşılaşmadan nə gözləyirsən?

Həqiqətən də, “Qarabağ” klubu hazırda çox yüksəlişdədir. Onların həm çempionat, həm də, avrokuboklardakı oyunlarını gördük. Lakin bu amil bizə daha böyük stimul verməlidir. Yəni bu “Derbi” matçında meydanda sona qədər mübarizə aparmalıyıq. Biz də, “Neftçi” komandası olaraq, özümüzə çox güvənirik. Bizim də, komandamız hazırda yaxşı formadadır. “Neftçi” çox böyük komandadır. Azərbaycan futbolunun Flaqmanıdır. Mən həm baş məşqçimizə, həm də, komandama çox güvənirəm.



Rəhman bir təcrübəli futbolçu olarq,“Qarabağ”la oyunda qələbə şanslarını necə dəyərləndirərdin. Bu oyundan ən azı bir xalla ayrılmağı sizin üçün uğurlu nəticə hesab etmək olarmı?

Bilirsiniz, “Qarabağ”la oyunumuz səfərdə olacaq. Yəni çox ağır və çətin səfər matçı olacaq. Rəqib komandanın gücü də, hər kəsə məlumdur. “Qarabağ” klubu hazırda turnir cədvəlinin lideridir. Əgər biz də, çempionluq üçün oynayırıqsa, mütləq onları durdurmlıyıq. Yəni qələbə qazanmalarına imkan verməməliyik. Meydanda sona qədər döyüşməliyik. Ən azından bu oyundan xalla ayrılmalıyıq.

Əli HƏYATİ