"Neftçi" klubunun aparıcı və tanınmış futbolçusu Rəhman Hacıyevin Futbolmedia.Az saytına müsahibəsi.

Rəhman evdə “Turan Tovuz” qəbul etdiniz. Gərgin keçən görüşdə qalib gələ bilmədiniz. Daha doğrusu rəqib komanda praqmatik futbol oynayaraq istəyinə nail olduğu deyilir. Sən də, belə düşünürsənmi. Qələbə qazana bilməməyinin səbəbi nə oldu?

Mən deyərdim ki, çətin bir qarşılaşma keçdi. “Turan Tovuz” ən yaxşı oyunlarından birini oynadı. Lakin mən deyərdim ki, bu oyunda qalib gələ bilməməyimizin səbəbi var. Bizim oyunumuz alınmadı. Yəni istədiyimiz kimi alınmadı. Düzdü, rəqib komanda da, daha çox müdafiə olunurdu. Biz də, əlimizə düşən real qol imkanlarını istifadə edə bilmədik. Məhz buna görə də, nəticəsi belə oldu. Lakin futboldur. Belə nəticələr də, qaçılmaz olur. Oldu qurtardı getdi.

“Səbail” və digəroyunlarda özünü yaxşı tırəfdən göstərdiyin üçün artıq baş məşqçiniz Regekampfın ehtimadını qazanmağa başlamısan. Elə “Turan Tovuz”la ilk 11-likdə əsas heyətdə meydana çıxmışdın. Bu barədə nə deyərdin. Yəqin ki, sən də, bu inamı, baş məşqçinin güvənini hiss edirsən?

Mən hər zaman özümə bir futbolçu olaraq inanmışam. Öz potensialıma da yaxşı bələdəm. Mən “Neftçi”yə gəldiyim gündən bəri mənə əsas heyətdə çox az şans verilib. “Şamaxı” və “Turan Tovuz”la oyunlarda əsas heyətdə olmuşam. Digər oyunlarda isə 5-10 və ya, 15 dəqiqə meydanda olmuşam.Əlbəttə ki, özünü göstərmək üçün bu futbolçu üçün az bir şansdır. Mən özüm bilirəm ki, mən meydanda nə qədər çox olsam, nə qədər oynasam, bir o qədər əla formada oluram. Daha yaxşı nəticələr verə bilirəm. Bəli. Baş məşqçi məni əsas heyətdə buraxırsa, demək ki, ehtimad edir. Mən də, əlimdən gələni edəcəm ki, baş məşqçimizin güvənini sarsıtmayım. İnanıram ki, növbəti oyunlarda da, əsas heyətdə mənə yenə şanslar veriləcək. İnşəallah əlimdən gələi edəcəm ki, “Neftçi”yə maksimum xeyrim dəysin. Bütün komanda olaraq istəyimiz budur.

Növbəti səfər oyununuz “Kəpəz”lə olacaq. Bilirsən ki, uzun illər öncə də, “Kəpəz” – “Neftçi” qarşılaşması Gəncədə də, böyük rezonans yaradım. Həmin oyunlar da, anşlaqla keçib. Bu dəfə xeyli sayda Gəncə azarkeşləri öz meydanda komandalarına dəstək verəcək. Bunu rəqib komandanın üstünlüyü kimi qəbul etmək olar. “Kəpəz”lə oyuna necə hazırlaşırsınız?

“Turan Tovuz”la oyundan sonra komanda artıq özünə gəlib. Heç bir psixoloji problem yoxdur. Komandamız məşqlər də, çox istəklə çalışır. Artıq qarşıdakı oyuna köklənmişik. Gəncə səfəri paytaxt klubları üçün hər zaman çətin keçib. Hər zaman böyük maraqla qarşılanıb. Baxmayaraq ki, “Kəpəz”in keçən tur böyük hesabla uduzması bizi rahatlamır. Əksinə daha çox diqqətli olmalıyıq. Çünki rəqib komanda bu acı məğlubiyyətin əvəzini evdə azarkeşləri önündə çıxmaq istəyəcək. Buna görə də, çox diqqətli, çox istəkli olmalıyıq.

Səfərdən 3 xal gətirmək şanslarınızı necə dəyərləndirərdin?

Biz heç bir rəqib komandaya yuxarıdan – aşağıya baxmırıq. Bütün rəqiblərə eyni gözlə yanaşırıq. Hər bir oyuna 3 xal prinsipi ilə çıxırıq. Bizi Gəncəə asan oyun gözləmir. Çox maraqlı və çətin oyun olacaq. İnanıram ki, meydanda sona qədər döyüşüb, Gəncədən 3 xalla qayıdan tərəf biz olacağıq.

Əli HƏYATİ