"Neftçi" klubunun təcrübəli futbolçusu Rəhman Hacıyevin Futbolmedia.Az saytına müsahibəsi.

Rəhman “Qarabağ”la derbi matçınız baş tutdu. Mən deyərdim ki, bu oyundan çox razı qaldı. Həm azarkeşlər, həm jurnalistlər bu oyundan razı qaldığını söyləmək olar. Yəni futbol adına gözəl olan çox şey izlədik. Sən də, bu oyunda iştirak etdin. İki nəhəng klubun mübarizəsində hesbı siz açsanız da, sonradan məğlub oldunuz. Matç haqqında təsüratların?

Təbii ki, çox maraqlı oyun oldu. Hətta oyunun içərisində belə olmayan futbolçu da, kənardan çox həyacan keçirir. Doğurdan da, çox maraqlı, bol qollu bir oyun keçdi. Mən də, həmin oyuna iştirak etdim. Düzdü, “Qarabağ”la oyunda az bir vaxt iştirak etdim. Matçda ilk olaraq qolu biz vurduq. Hətta hesabda irəli olduqğumuz halda daha bir real qol imkanımız oldu. Bax həmin real imkanı qola çevirsəydik, bəlkə də, nəticə başaqa cür ola bilərdi. Hətta qələbə də, qazana bilərdik. Çox təəssüflər olsun ki, şansı əldən verdik. “Qarabağ”ın formada olduğunu bilirdik. Lakin biz də, bu oyuna qalibiyyət üçün çıxmışdıq. Biz səfərə məğlub olmaq, və ya, bir xal üçün getməmişdik. Yalnız qələbə üçün yollanmışdıq. Lakin biz ruhdan düşmürük. Çünki qarşıda hələ çox oyunlar var.

Həm “Səbail”lə qarşılaşmad, həm də digər oyunda özünü çox yaxşı tərəfdən göstərdin. Qələbədə böyük pay sahiblərindən oldun. Buna görə, bir çoxları sənin əsas heyətdə oynayacağını düşünürdü. Həm jurnalistlər, həm də, azarkeşlər ən azı meydana daha erkən çıxacağını düşünürdü. Lakin belə olmadı. Səncə, baş məşqçi nəyi gözləyir. Niyə bu şansı sənə hələ vermir?

Düzdü, “Səbal”, “Şamaxı,” ilə oyunlarda özümü yaxşı tərəfdən göstərə bildim. Meydana çıxdığım bütün oyunlarda özümü yaxşı tərəfdən göstərməyə çalışıram. Bilirsiniz, 40-45 dəqiqə meydanda olduğum dövürdə siz də, gördünüz ki, komandama çox xeyir verirəm. Real qol ötürmələri, rəqib qapısı qarşısında təhlükəli durumlar yaradıram. Sadəcə, zaman çox verilməlidir ki, maksimum nəticə verə bilim. Ancaq bu baş məşqçimizin fikridir. Onun fikrinə çox hörmətlə yanaşıram. Mən də, şansımı gözləyirəm. Əgər bu şans veriləcəksə, bundan maksimum istifadə edəcəm. Qarşıda çox oyunlar var. Düşünürəm ki, hələ bu şansı qazanmaq üçün, özümü sübut etmək imkanlarım olacaq.

Növbəti matçınız sənin də, bölgən olan “Turan Tovuz”a qarşı olacaq. Bölgə təmsilçisi pis təsir bağışlamır. Baş məşqçiləri də, təcrübəli Ayxan Abbasovdur. Bu oyunda şanslarınızı necə dəyərləndirərdin?

Bəli. Tovuz mənim doğulduğum torpaqdır. Azərbaycan futbolunun beşiyi hesab edilir. Rəqib komanda yeni futbolçulardan təşkil edilib. Pis təsir bağışlamırlar. Lakin Tovuz klubu da, mənim rəqibimdir. Bütün klublar kimi onlara qarşı da, var gücümlə mübarizə aparacam. Bu oyunu çox səbirsizliklə gözləyirəm. Çox maraqlı və həyacan verici oyun olacaq. Bizim üçün zəif komanda anlayışı yoxdur. Bütün rəqiblərə eyni gözlə baxırıq. Bir peşəkar komanda olaraq heç bir rəqibə yuxarıdan –aşağıya baxmırıq. Mütləq qələbə üçün gedirik. Xal ehtiyyatımızı artırmaq lazımdır. İnanıram ki, matçın sonunda sevinən tərəf biz olacağıq.



“Neftçi”də uzun illər çıxış etmisən. Bu komandanın aparıcı futbolçulardan biri olmusan. Azarkeşlərin sənə qarşı sevgisi hər kəsin məlumudur. Artıq onlar da, dilə gəlir ki, Rəhman əsas heyətdə oynamalıdır. Ən azından meydanda olması üçün daha çox vaxt verilməlidir. Necə düşünürsən, “Turan Tovuz”la oyunda baş məşqçi sənə şans verəcəkmi?

Mən bunu gözləyirəm. Çünki bunu mən özüm də, görürəm ki, azarkeşlər məndən çox şey istəyirlər. Lakin onlar da, başa düşməlidir ki, mənim 5- 10 dəqiqə meydanda olmağım nə isə etməyim üçün bəs etmir. Yəni özümü yaxşı tərəfdən göstərmək üçün daha çox vaxta ehtiyyacım var. İnanıram ki, baş məşqçi mənə Tovuzdakı oyunda şans verəcək. Azarkeşlər məni çox yaxşı tanıyırlar. Bir futbolçu kimi nəyə qadir olduğumu da, yaxşı bilirlər. Məhz bunu onlara vermək üçün mütləq meydanda daha çox olmalıyam. Heç olmasa 50- 60 dəqiqə vaxt verilərsə, daha çox fayda verə bilərəm.


Əli HƏYATİ