"Turan Tovuz" klubunun əsas üzvlərindən olan Tərlan Quliyevin Futbolmedia.Az saytına müsahibəsi.

Tərlan Azərbaycan Premyer Liqasının növbəti turu demək olar ki, dişinizə görə olan bir rəqibdir. Hər halda “Sumqayıt”la oyunda “Turan Tovuz”u üstün tuturlar. Bəs sən necə düşünürsən?

Artıq neçə turdu ki, evdə qalib gələ bilməmişik. Sonuncu dəfə “Kəpəz”ə qalib gəlmişdik. Buna görə də, “Sumqayıt” oyuna qələbə üçün çıxacağıq. Bu oyuna var gücümüzü qoymalıyıq. Ardıcıl olaraq bir neçə turdu ki, qələbə qazana bilmirik. Qarıda “Sumqayıt” “Şamaxı” və sonra da, “Qarabağ”la təxirə düşmüş oyunumuz olacaq. Buna görə də, bu oyunlardan maksimum istifadə etməliyik. “Qarabağ”la oyunda çətinlik çəksə belə, “Sumqayıt” və “Şamaxı” dişimizə görə rəqibdir. Lakin bu o, demək deyil ki, onları asanlıqla uda bilərik. Yəni rəqib komanda zəif deyil. Sadəcə, “Qarabağ”dan fərqli olaraq onları udmaq şansımız var. Biz heç bir oyuna, heç bir rəqibə yuxarıdan –aşağı baxa bilmərik. Bütün oyunlara eyni istəklə çıxırıq. Əgər rəqiblərimizi zəif hesab edəriksə, bu oyunlar bizim üçün faciə ilə qurtara bilər.

“Sumqayıt”ın yeni baş mqçisi Azərbaycan çempionu Samir Abbasovdur. Bu amil sizi narahat etmir. Bundan başqa bildiyimizə görə “Sumqayıt” sizinlə matça sanki ölüm-dirim savaşına çıxxacaq. Çünki cəmi 4 xalları var?

Onların baş məşqçisi tanınmış mütəxəssizdir. Komandaya yeni gəlib. Lakin Samir Abbasovu yaxşı tanıyırıq. Bundan başqa “Sumqayıt” turnir cədvəlinin sonuncu pillələrində olan komandadır. Bu yerdən qurtulmaq üçün mütləq qalibiyyətüçün oynayacaqlar. Biz bunu yaxşı dərk edirik. Mən deyərdim ki, çox çətin bir oyun olacaq. Əsil mübarizə şəraitində keçən maraqlı bir oyun gözlənilir. İnanıram ki, sonda sevinən tərəf biz olacağıq.

Neçə turdu ki, qələbəyə həsrət qalmısınız. Komandanın aparıcı üzvü kimi bunun səbəbini nədə görürsən?

“Zirə” ilə oyunda da, elə oldu. Yəni oyunun 30-cu dəqiqəsində biz qol vurduq. Qola qədər rəqib komandanın elə bir təhlükıəli hücumu, real qol imkanı yox idi. Lakin qoldan sonra sanki nəsə dəyişiklik olur. Qoldan sonra adi vəziyyətlərdə çaşqınlıq olur. Sanki qol vurduqdan sonra bizdə bir çaşqınlıq, həyacan olur. Tələskənlik olur. Bir sözlə, soyuqqanlılığı saxlaya bilmirik. “Səbail”lə oyunda da, belə oldu. Biz qol vurduqdan 3 dəqiqə sonra qapımızdan qol vuraxdıq. Sanki bizdə bununla bağlı çatışmamazlıqlar var. Qoldan sonra top saxlamaq, soyuqqanlı olmaq, nizam –intizamı saxlamaqda çətinlik çəkirik. Belə başqa nəsə böyük bir problemimiz yoxdur.

Artıq neçə turdu ki, sənin əsas heyətdə oynamırsan. Aldığımız məlumata görə Tovuz azarkeşləri buna çox etiraz edir. Yəni sən komanda yaranan gündən əsas heyətdə olmusan. Və uğurlarda, qələbələrdə də, sənin payın az deyil. Belə deyək ki, sənin yoxluğunda da, müdafiədə çatışmamazlıqlarınız olur. Qalibiyyət əldə edə bilmirsiniz. Və sair. Sənin buna münasibətin necədir. Növbəti turda səni əsas heyətdə görə biləcəyikmi?

Bilirsiniz, yeni yaranmış komandadır. Heyətdə xeyli sayda dəyişikliklər olur. Bundan başqa “Turan Tovuz” azarkşlərinə təşəkkür edirəm. Hər zaman onlar üçün oynayıram. Bundan başqa baş məşqçi hər komanda üçün uyğun taktiki gedişlər edir. Müəyyən dəyişikliklər olur. Buna görə, futbolçuların əsas heyətdəki yerlərində dəyişikliklər qaçılmaz olur. Tovuz azarkeşlərinə təşəkkür edirəm. Daim bizləri stadiondan dəstəkləyirlər. Bakıdakı oyunlara belə 100-200 nəfər azarkeşlərimiz gəlir. Bu elə belə şey deyil. Mənim oynamağıma gəlincə isə inanıram ki, növbəti turda əsas heyətdə yer alacam. Məşqlərimdə çox ciddiyəm. Hər şey qaydasındadır. Tovuz azarkşlərinə çox təşəkkür edirəm. Bizdə mütləq qələbələr etməliyik ki, onların bu jestini dəyərləndirək.

Əli HƏYATİ