Azərbaycan millisinin məşqçisi Arif Əsədovun Futbolmedia.az saytına müsahibəsi.


Arif müəllim ilk olararq, sizi yenidən milli komandanın başına keçməyiniz münasibətiylə təbrik edirm. Əlbbətə ki, milli komandalarla bağlı qarşıdakı turnirlə bağlı təyin edilmisiniz. Yəni milli komandamızı oyunlara siz və məşqçilər korpusu çıxaracaq. Bu təyinatı gözləyirdinizmi?

Əlbəttə ki, illərlə milli komandada çalışdım. Buna görə də, belə bir təyinata gözləntim vardı. Çünki baş məşqçi ilə bağlı təyinat açıq qaldığı üçün qarşıdakı yoldaşlıq oyunlarına komandanı çıxarmaq ehtimalım çox idi. Və mən də, millinin köməkçi məşqçisi kimi komandanı bu oyunlara çıxartmalıyam.Bun görə də, gözləyirdim.

Millidəki köməkçilərlə bağlı nələr deyərdiniz. Qarşıdakı oyunlara nə kimi faydaları olacaq. İstər İlham Yadullayev, İstərsə də, Fizuli müəllim olsun ?

Bilirsiniz ki, De Byazinin vaxtında biz onlarla mütamadi çalışırdıq. Yəni aşağı yaş qruplarından futbolçular dəvət edirdilər. Buna görə də, həm Fizuli, həm də, ilhamın seçilməsi çox düzgün qərardı. Onlarla iş birliyimiz, bir -birimizi yaxşı başa düşməyimizə görə onları da, dəvət etdim. Düşünürəm ki, düzgün seçimdir.

Arif müəllim illərdi ki, milli komandada çalışmısınız. Və De Byazi ilə çalışdığınız dövürdə millinin sükanı arxasında xeyli sayda uğurlu və sensasiyalı nəticələr əldə etmişdiniz. İsveç millisini məğlub etmək və sair. Bir təcrübəli və tənqidçi jurnalist kimi şəxsən mən sizin milli komandanın bir neçə illik başında olmağnı istərdim. Yəni bu şans federasiya tərəfindən möhlət olaraq sizə verilməli olduğunu düşünürəm. Çünki hazırda millini və futbolçuları ən yaxşı yaxından tanıyan məşqçi hazırda siz Arif Əsədovsunuz. Bəs siz necə düşünürsünüz?

Əlbəttə ki, bu illər ərzində millidə çalışmaq, futbolçuları yaxından tanımaq, onların milli səviyyəsində nəyə qadir olduqlarına yaxından bələd bir məşqçiyəm. Bəli. Millinin məşqçisi olaraq bir neçə tarixi qələbəyə imza atmışam. Buna görə də, çox sevinirəm. Məni dəstəkləyən mətbuata, jurnalist həmkarlara, Azərərbaycan futbolunun inkişafını istəyən hər kəsə təşəkkür edirəm. Əgər mənə etimad edilərsə,millidə qazandığım, topladığım təcrübəmlə milli üçün hər şey edərəm. Lakin hazırda gələcəklə bağlı bir şey danışmaq istəməzdim. Çünki mənim hələki bu vaxta olan misiyyam, millini turnirə çıxartmaqdır. Lakin təklif olarsa, böyük məmnuniyyətlə, bütün gücümü milli üçün qoyaram.

Qarşıdakı oyunlarda millinin heyətində yeni isimlər olacaqmı. Yəni məşqçilər korpusu olaraq yeni futbolçulara dəvətlər göndərmisinizmi?

Əlbəttə ki, belə futbolçular olacaq. Lakin hazırda bu futbolçuların adlarını açıqlaya bilmərəm. Çünki qarşıda hələ iki oyun var.Yenə də, deyirəm ki, fikrimdə yeni oyunçular var. Onalrın da, dəvəti gözlənilir. Bu futbolçuların adları oyun qabağı açıqlanacaq. Milli komandaya xeyir vermək üçün əlimizdən gələni edirik. Və bundan sonra da, edəcəyik.

Əli HƏYATİ