Arif müəllim artıq Premyer Liqanın fasilədən sonrakı bir çox oyunu geridə qalıb. Bildiyimizə görə, bir çox oyunları həm siz, həm millinin baş məşqçisi Canni De Byazi izləyib. Qarşıda da, millinin toplanışı gəlir. Bu haqda nələr deyərdiniz?

“Hal – hazırda çempionat oyunları davam edir. Çox düzgün vurğuladınız ki, həm mən, köməkçilərim, həm də, baş məşqçi cənab De Byazzi oyunları izləyib. Özü də, Bakıda hər şeyi nəzarətdə saxlayır. Demək olar ki, məşqçilər korpusu bütün oyunları izləyir. Hələ tam bilməsək də, ancaq mart ayında toplanışın gözlənildiyini bilirik. Bilirsiniz ki, UEFA-nın xüsusi qrafiki var. Həmin qrafikə uyğun bizim millinin də, oyunları planlaşdırılır. Əlbəttə ki, ona hazırlıqlar olacaq.”

Bu sözləri Futbolmedia.Az saytına açıqlamasında milli komandanın tanınmış məşqçisi və mütəxəssizi Arif Əsədov deyib. Milli komandaya yeni isimlərin çağrılması gözlənilirmi sualını cavablandıran A. Əsədov bunları söylədi.

” Əlbəttə ki, bunlarla bağlı bütün məşqçilər korpusumuz çempionat oyunlarını çox diqqətlə izləyir. Hazırda neçə futbolçunun çağrılması, kimlərə dəvət göndərilməsi ilə bağlı dəqiq məlumat söyləyə bilmərəm. Çünki hələ qarşıda Premyer Liqanın bir neçə turu var. Bu turlarda çox şeylər baş verə bilər. Əlbətə ki, baş məşqçi De Byazi oyunları və futbolçuların çıxışlarını diqqətlə izləyir. Lazımı qeydlər vaxtında aparılır. Təlim – məşq toplanışına yaxın siyahı açıqlanacaq.

Əli HƏYATİ