Azərbaycan millisinin boş qalmış postuna bir neçə namizəd məşqçinin adları gündəmi bəzəməkdədir. Bu namizədlərdən də, bir yerli mütəxəssiz Tərlan Əhmədovdur. Millidən dəvət gələrsə, dşünmədən qəbul edərsinizmi deyə, sual ünvanladıq. Tərlan Əhmədov Futbolmedia. Az saytına bununla bağlı açıqlmaa verdi. Azərbaycanlı məşqçinin dediklərini olduğu kimi sizlə təqdim edirik.

“Azərbaycan millisindən mənə dəvət gələrsə, etimad göstərilərsə, bunu sevə -sevə qəbul edərəm. Çünki milli komndada işləmək, əziyyət çəkmək, mənim üçün böyük şərəf və qürurdu. Vaxtı ilə illərlə şərəfini qoruduğum milli komanda üçün əlimdən gələni, bütün gücümü, ortaya qoyaram. Milli komandanın sabiq kapitanı kimi milli komanda nə olduğunu yaxşı bilirəm. Mən də, bir insan və futbolçu kimi milli komandaya, dövlətinə, dövlətçiliyimə hər zaman önəm vermişəm. Hər zaman da, xalqımın, dövlətimin yanında olmuşam. Bu günə qədər işlədiyim klublardakı göstərdiyim, verdiyim nəticələr göz qabağındadır. Sizə deyim ki, hazırkı milli komanda, son illərin ən yaxşısıdır. Düşünürəm ki, burada çatışmayan ən önəmli cəhət, milli ruhdur. Millinin bütün futbolçuları meydana çıxanda bilməlidirlər ki, qalib millətin, qalib dövlətin ölkəsini təmsil edirlər. Məhz buna rəğmən futbolçular meydana çıxanda bilməlidirlər ki, xalqın, millətin, azarkeşlərin, dövlətin onlardan gözlədikləri nədir. Ən əsası hər bir milli formanı daşıyan futbolçuda milli ruh çox yüksək olmalıdır. Bu amildir futbolçuları güclü edər. Hər bir millidə oynayan futbolçu, legionerinə, milliləşdirilmiş belə olsa, Azərbaycan himnini bilməlidir. Və onu meydanda oxumalıdır. Qəlbən və sevərək himnimizi oxumalıdırlar. Belə ruhda olan milli komanda, futbolçularla uğur qazanmaq olar. Məni bilir və tanıyırsınız. Hər işlədiyim klubda nizam-intizam, milli ruh, döyüşkənliyi,hər zaman üstün tutan məşqçiyəm. Əgər Azərbaycan millisindən mənə ehtimad göstərilərsə, millinin baş məşqçisi olaramsa, futbolçuları, komandanı məhz belə əhvl-ruhda formalaşdıracam. Mənim vətənpərvər birisi olduğumu da, az –çox bilir və tanıyırısınız. Buna görə, bu işi sevə-sevə, mənasını dərk edərək, həyata keçirə bilərəm. Milli mənim üçün uca və şərəfli bir zirvədir.

Əli HƏYATİ