zərbaycan millisinin məşqçisi Arif Əsədovun Futbolmedia.Az saytına müsahibəsi.

Arif müəllim gözlənilənlər oldu desək yanılarıq. Milli komandanın yeni baş məşqçisi De Byazi, köməkçi məşqçisi siz oldunuz. Bir çox fikirlər vardı ki, De Byazinin posta qalıb –qalması millimizə qarşıda nə kimi xeyri dəyə bilər. AFFA məşqçilər korpusunu saxlamağa qərar verdi. Siz belə bir qərarın veriləcəyini gözləyirdinizmi?

Təbbi ki, belə bir qərar veriləcəini gözləyirdik. Çünki gördüyümüz işlərin davamını gətirmək lazım idi. Son uğurlu və sensasiyalı oyunlar buna dəlalət edirdi. İyun ayındakı keçirdiyimiz dörd oyun da, nəticəyə müsbət təsir göstərdi. Bu dörd oyun zamanı millimiz gözəl nəticələr göstərdi. Bu nəticələrə göz yunmaq olmazdı. Yəni milli komanda formalaşıb və görülən işlərin davamı lazımdır. Buna görə də, bu qərarı gözləmək olardı.

Yeni müqavilə zamanı baş məşqçi De Byazi sizin qalmağınızı özü xaiş etdimi. Yən ki, mən 3 il birgə işlədiyim Arif Əsədovu yenidən yanımda görmək istərdim. Yəni İtaliyadan hər hansısa bir mütəxəssiz gətirməyini istəmədi?

De Byazi ilə bizim iş birliyimiz elə sıx alınıb ki, bir –birimizi yaxşı tanıyırıq. Onunla çalışdığımız 3 ildə bir –birimizi çox yaxşı başa düşdük. Hətta De Byazi bildirmişdi ki, mən Azərbaycan millisində yenidən qalıb işləyəsi olsam, Arif Əsədovla birgə çalışacam. Yəni artıq lap yaxın olacağıq. Bilirsiniz ki, onun iki köməkçisi yoxdur. Yəni iki köməkçisinnin başqa təklifləri olduğu üçün getdilər.. Buna görə də, onunla daha yaxşı iş birliyində olacağıq.

Belə çıxır ki, sizin işinizin məhsuliyyəti, həcmi daha çox artacaq. Yəni yük daha çox sizin üzərinə düşəcək?

Onsuz da, mən işimi görürdüm. Yəni hər bir işin məhsuliyyəti və yükü çox olur.. Köməkçi məşqçi olaraq üzərimə düşən işlərimi görürəm. Mən millinin sabiq baş məşqçisi Yurçeviçin vaxtından çalışıram. Xorvat mütəxəssiz də, mənim işimi bəyənirdi. Yəni gördüyüm işi çox müsbət qiymətləndirirdi. Yurçeviç millidən gedəndə də, demişdi ki, ən yaxşı namizəd Arif Əsədovdur. Yəni mənim üçün fərqi yoxdur. Öz işimi yetərincə görürəm. De Byazinin mənə inamı artdı. Həm futbol diloində, həm də, insan kimi bir – birimizi yaxşı anlayırıq. Nə iş görmüşəm, harda oynamışam.

Ancaq Arif müəllim razılaşaq ki, harda oynamaq deyil, gördüyün işin keyfiyyəti, nəticəsi vacibdir. Məsələn, Maradona futbolun fəlsəfə doktoru idi. Yəni dünya futbolunun əvəzolunmaz futbolçularından idi. Lakin məşqçilik etdiyi illərdə heç bir uğru yox idi?

Düzdü. Lakin bu başqa məsələdir. Sizinlə razıyam ki, ən əsas gördüyün iş vacibdir. Mənim gördüyüm işin keyfiyyətli olması önəmlidir. Azərbaycan futbolu naminə gördüyüm iş çox sevinirəm ki, həm AFFA-nı, həm futbolçuları, həm azarkeşləri, həm də, siz media nümayəndələri tərəfindən yüksək qiymətləndirirldi. Bu amil mənə əlavə stimul verir. Daha yaxşı işlər görmək üçün daha irəli getmək lazımdır.

De Byazi ilə Azərbaycan millisi ilə bağlı yeni planı tərtib etmisiniz. Qarşıda nələr var?

Təbii ki, biz artıq iş başındayıq. Hər gün cənab De Byazi ilə görüşürük. Müəyyən müzakirələr edirik. Qarşıdakı planın bir hissəsi hazırlanıb. Məsələn qarşıda Azərbaycan millisinin iki yoldaşlıq oyununu təşkil edəcəyik. Bu oyunlardan biri noyabır ayında Moldaviya və Makedoniya ilə yoldaşlıq oyunları olacaq. Biz də, UEFA-nın verdiyi proqramla hərəkət edirik. Məhz buna uyğun oyunlar planlaşdırırıq. Bu hazırlıqlar Mart ayında seçmə mərələ oyunlarına hazırlıqdır. Çalışacağıq ki, hər şeyin yaxşısını edək. Qarşıdakı oyunlara çox məhsuliyyətlə hazırlaşmalıyıq.

Əli HƏYATİ