"Keşlə" klubunun futbolçusu Tərlan Quliyevin Futbolmedia.Az saytına müsahibəsi.

Tərlan premyer liqanın 14-cü turunda səfərdə çətin rəqiblərdən olan “Sumqayıt” qalib gəldiniz. Bu inamlı qazandığınız qələbə haqda fikirlərin?

Oyunun belə ağır keçəcəyini bilirdik. Bu ilin sonuncu matçı olduğuna görə hər iki komandaya mütləq qələbə lazım idi. Çünki “Sumqayıt”la turnir cədvəlində yaxın pillələrdə qərarlaşmışdıq. Bir qələbə turnir cədvəlindəki mövqeyimizi yaxşılaşdıra bilərdi. Şükürlər olsun ki, möhtəşəm oyunla, gözəl qələbə qazandıq. Mən deyərdim ki, komanda əzimkarlıq və döyüşkənlik sayəsində qalib gəldi.


Ümumiyyətlə, belə nəticəni, bu hesabla qalib gələcəyinizi gözləyirdinizmi?

Açığını deyim ki, hesabın(3:1) (4:1) olacağını gözləmirdim. Mən deyim ki, ilk yarıda kəşfiyyat xarakterli oyun gedirdi. Komandalar bir-birinin zəif tərəflərini yoxlayırdı. İki top geri düşən rəqib irəli atıldı. Bundan sonra müdafiələrində boşluqlar yarandı. Bundan istifadə edib 3-cü qolu da vurduq. Hətta mən deyərdim ki, 4-cü, 5-ci qolları da vura bilərdik. Yəni oyun bizim üstünlüyümüzlə keçirdi. Komandanın əzimkarlığı sayəsində qələbə qazandıq.

Düzünü deyim ki, komandanın ən yaxşılarından biri sən idin. Bəlkə də elə birincisi sənsən desəm yanılmaram. Müdafiədə alınmaz qala təsüratı yaratmışdın. Yəni rəqibə imkan vermirdin. Belə deyə ki, “Keşlə”nin müdafiəsinin alınmaz qalasısan. Bəs sən nə düşnürsən. Bu ilki öz oyunlarından razı qalmısan?

Mən deyərdim ki, bu oyunda bütün komanda səhvsiz oynadı. O, cümlədən mən səhvsiz oynadım. Bütün heyətimizdəki həm təcrübəli futbolçular, həm də, gənclər əla oyun sərgilədi. Öz oyunuma gəlincə isə razı qaldım. Lakin bu il daha da, yaxşı oynaya bilərdim. Yəni təcrübəm və potensialım buna imkan verir.

Tərlan bu il yaxşı oyun sərgiləyən futbolçulardan birisən. Necə düşünürsən, baş məşqçi De Byazi sənə Azərbaycan millisi üçün dəvət göndərəcəkmi?

Bilirsiniz, hazırki durumda “Keşlə” yuxarı pillələrdə olmamasına baxmayaraq yaxşı oyun sərgiləyən və milliyə dəvət edilə biləcək futbolçuları var. Klubların sonuncu yerdə olması ilə bağlı milliyə futbolçu çağrılmır. Yəni “Sumqayıt”ın 5-6 futbolçusu əsas milliyə çağrılır. Ancaq “Sumqayıt” turnir cədvəlində bizdən də,aşağı sıradadı.Bir sözlə, inanıram ki, milli komandadan Millətlər Liqası üçün dəvət alacam. Baş məşqçi De Byazinin köməkçisi hər birimizin tanıdığı Arif Əsədov yerli futbolçuları çox yaxşı tanıyır. Hər zaman ədalətli insan olub. Arif müəllimi məndə yaxşı tanıyıram. Arif müəllim hər bir futbolçuya düzgün qiymət verən mütəxəssizdir. İnanıram ki, mənim oyunumu, zəhmətimi Arif müəllim qiymətləndirərək, milli komandaya dəvət edəcək. Çox istərdim ki, öz oyunumla, təcrübəmlə yığmamıza kömək edim. Demirəm ki, birbaşa əsas heyət üçün çağırsınlar. Ümumiyyətlə, dəvət etsinlər. Yoldaşlıq oyunlarında, məşqlərdə özümüzü yaxşı tərəfdən göstərə bilsək, əsas heyətə layiq bilərlər. Mən milli komanda üçün canla-başal oynamağa hazıram.

Əli HƏYATİ