Mİlli komandanın məşqçisi, De Byazinin köməkçisi Arif Əsədovun Futbolmedia.Az saytına müsahibəsi.

Arif müəllim AFFA qərar verdi ki, De Byazi ilə daha bir müddət çalışsın. Yəni Millətlər Liqası üçün onu millidə saxladılar. Bu o deməkdir ki, sizdə işinizə davam edəcəksiniz. Verilən bu qərarla bağlı nələr deyərdiniz?

Mən keçən dəfə də, demişdim ki, baş məşqçiyə biraz zaman vermək lazımdır. Hazırda De Byazi və məşqçilər korpusu 15 aydır ki, millidə çalışır. Belə baxanda bu müddət götürdükdə çox az bir müddət edir. Lakin bu müddət ərzində artıq hər bir futbolçunu tanıyır. İndi qarşıda bizi yeni bir mərhələ gözləyir. Qarşıda MillətlərLiqasının seçmə mərhələsinə hazırlaşırıq.

Millətlər Liqasında artıq rəqiblərimiz bəllidir. Slovakiya, Qazaxıstan, Moldova və Belarus milliləri. Bu milli komandalar bizə yaxşı tanışdır. Bu rəqiblərlə bağlı fikirlərinizi bilmək istərdim. Bu komandalarla oynamaq, nəticə qazanmaq olarmı?

Belə deyək ki, bu komandalar dünya və ya, Avropa çempionatlarındakı rəqiblər deyil. Məsələn Portuqaliya, irlandiya və sair güclü komandalar deyil. Qrupumuzda ən güclsü Slovakiyadır deyərdim. Lakin digər komandalar da, 1-2-ci pillələr uğrunda mübarizə aparacaq gücdədirlr. Lakin digər komandalarla oynamaq olar. Yəni dişimizə görə olan rəqiblərdi. Onlarla başa-baş mübarizə aparmaq olar.

Belə deyək ki, Mldovanın baş məşqçisi çox iddialı danışıb. Hətta deyib ki, Azərbaycan komandasını yaxşı tanıyırıq. Onları məğlub da, etmişik. Buna münasibətiniz necədir. Yəni biraz küçümsəyibkimi?

Təbbi ki, bərabər səviyyəli olan komandalar bir –birinin haqqında belə düşünür. Lakin burada hər şeyi oyunlar göstərəcək. Daha doğrusu qazanılan nəticə. Buna qalsa biz də, Moldova haqqında belə düşünürük. Yəni onlardan maksimum xal almağı. Yəni dişimizə görə rəqibdirlər.

Qrupunuzdakı rəqiblərdən üç xal, və ya xallar almaq şanslarınızı yüksək görürsünüz. Ən azından doğma meydanda qalib gələ bilərik. Yoxsa?

Mən deyərdim ki, tək doğma meydanda deyil, səfərdə də, qalib gələ bilərik. Yəni bütün oyunlara qələbə üçün çıxacağıq. Hələ ki, qarşıda klubların qış hazırlıq planları var. Yəqin ki, çempionat başlayan kimi baş məşqçi və məşqçilər korpusu klubların heyətindəki bütün futbolçuların oyunlarını yenidən izləyəcək. Hər şeyi götür –qoy edəcəkdir. Və bundan sonra milli komandanın heyəti formalaşdırılacaq.Səfərdəki oyunlarda da, xallar almaq istəyirik. Məhz bundan sonra istədiyimiz məqsədimizə çata bilərik. Bunun üçün futbolçuların yüksək formada olması, zədələrin az olması da, təsir edəcək. Yəni bunlar mütləq və vacib məsələlərdir. Bizim əsas problemlərimiz futbolçuların zədələnməsidir. Hər bir millidə oynayan futbolçunun zədəsi bizim üçün çox çox çətinlik yaradır. Zədələlilərimizin çox olması, bizə baha-başa gələ bilər. Buna görə, onların zədələnməməsi, öz klublarında daim əsas heyətdə oynaması vacibdir.

Millinin heyətini formalaşdırmaq demişkən, yeni isimlər olacaqmı. Bir neçə futbolçular var ki, fasiləyə qədər yüksək oyun sərgiləyiblər. Yəni klubların mövqeyindən aslı olmayaraq. Məsələn, “Keşlə”nin futbolçusu Tərlan Quliyev və Tural Axundov "Səbail"dən Adil Nağıyevi nümuna göstərmək olar. Bu futbolçular demək olar ki,öz mövqeyində səhvsiz oyun sərgiləyiblər. Fiziki göstəriciləri də öz yerində. “Qarabağ”la , “Neftçi”ylə və digər klublarla qarşılaşmada möhtəşəm oyun sərgiləyib. Tərlan Quliyev özü də, mətbuata açıqlamasında millidən, De Byazi və sizdən dəvət gözlədiyini açıqlayıb. Buna münasibətiniz?

Sizə deyim ki, heç bir futbolçu baş məşqçi və məşqçilər heyətinin diqqətində kənarda qalmır. Hansı futbolçuların göstəricisi yaxşıdırsa, milliyə çağrıla bilər. Bilirsiniz, yeni adlar hər zaman olub. Tural Axundovu da, yaxşı tanıyıram. Elə Tərlan Quliyevi də, əla tanıyıram. Adil Nağıyevi də bir futbolçu olaraq tanıyıram. Adil Nağıyevin bir müdafiəçiyə xas olaraq boy, qaməti, fiziki göstəriciləri yaxşıdır. Adlarını çəkdiyiniz futbolçular yaxşı mövsüm keçirsələr niyə də çağrılmasınlar. Oyunlarına baxıb baş məşqçi De Byazi və biz məşqçilər tərəfindən qiymət veriləcək. Klubunda yaxşı oyun sərgiləyən futbolçu milliyə dəvət alacaq.

Arif müəllim məncə Tural Axundovun böyük futbolçu təcrübbəsindən yararlanmaq olar. Gənc futbolçularla əla bir sintez yaratmaq olar. Necə ki, Rahid Əmirquliyev, Rauf Əliyev, Rəşad Sadıqov, Mahir Şükürov kifayyət qədər yaşlı vaxtlarında belə milliyə xeyir verirdilər?

Əlbəttə ki, futbolçuların təcrübəsi çox önəmlidir. İstənilən təcrübəli futbolçular gənclərə millidə örnək olurlar. Bəli adlarını çəkdiyiniz futbolçular millidə uzun zaman oynadılar. Hətta çox xeyirləri də dəydi. Tural Axundov da millidə oynayıb. Niyə də, olmasın. Yenə deyirəm ki, oyun praktikası, yüksək performans, formada olsa mütləq çağrılacaq. Tural Axundov çox yaxşı futbolçudur.


Bu futbolçunu siz “Neftçi”dən yaxşı tanıyırsınız. Azərbaycan futbol tarixində “Neftçi” ilə ilk dəfə Avroliqanın qrup mərhələsinə yüksəlmişdir. Komandanın əas müdafiəçisi olarq. Kifayyət qədər təcrübəli futbolçudur?

Təbii ki, Tərlanı yaxşı tanıyırıq. Mən “Neftçi”də də vaxtı ilə işləmişəm. Düz deyirsiniz ki, həmin zamanda “Neftçi”nin heyətində tarixi nəticəyə imza atan futbolçulardan olub. Gənc olsa da, daim əsas heyətdə oynayan futbolçu olub. Lakin istənilən futbolçu formadan düşə və ya, qalxa bilər.Ola bilsin ki, Tərlan Quliyev indi daha yaxşı formadadır. Buna gələcəkdə məşqçilər heyəti baxıb öz qiymətini, qərarını verəcək. Əsas odur ki, ümumi işimizə, milli komandamıza xeyri olsun.


Əli HƏYATİ