“Mançester Yunayted” rəhbərliyi komandanın kapitanı Bruno Fernandeslə yollarını ayırmaq istəyir.

Futbolmedia.az xəbər verir ki, bu barədə “Football Insider” məlumat yayıb.

Klub rəhbərliyi portuqaliyalı yarımmüdafiəçini satmağı planlaşdırır, ancaq onu azad agent kimi buraxmaq istəmir. Bu səbəbdən, rəhbərlik futbolçunun müqaviləsinin müddətini uzatmaq və mövsüm başa çatdıqdan sonra onu satmaq variantını nəzərdən keçirir.

Fernandesin “qırmızı şeytanlar”la hazırkı sözləşməsinin müddəti 2027-ci ilin yayında başa çatacaq. 32 yaşlı yarımmüdafiəçi cari mövsümdə bütün turnirlərdə 11 oyuna çıxıb, 4 qol vurub və 1 məhsuldar ötürmə verib. “Transfermarkt” portalı onun bazar dəyərini 35 milyon avro qiymətləndirir.