Azərbaycan milli komandası məlum məsələdir ki, Millətlər Liqasında mübarizəyə başlayıb. Və əsas məsələ isə millimizin D-liqasından canını qurtarıb. B və ya, A liqasına yüksəlmək istəməsi ən böyük arzusudur. Millmizin yeni yerli baş məşqçisi Ayxan Abbasov komandanı formalaşdırdı. Lakin müəyyən mənada bir çox qərarları azarkeşlərin və ən əsası biz mətbuat nümayəndələrinin, jurnalistlərin etirazına səbəb oldu. Ən əsas səbəb isə Azərbaycanın hazırda ən səviyyəli şəkildə legioner hayatı yaşayan, öndə olan, ən ağır Super Liqaların birində çıxış edən Nəriman Axunzadənin əsas milliyə çağrılmaması oldu. Nərimanı U-21 millisinə dəvət etdi. Adını da, qoydu ki, oyun təcrübəsi olsun. Əsas milliyə sonra gəlsin. Bu Ayxan Abbasovun çox böyük yanlışı və səhvidir. Yəqin ki, Litva ilə oyunda öz səhvini anladı. Milli komandanın hücum çox dişsiz, çox zəif təsir bağışladı. Məhz bu komandanın hücum xəttinə Nəriman Axundzad kimi çevik, cəld, sürətli, yüksək kolitəli futbolçuya ehtiyac vardı. Axı Ayxan Abbasov bilir ki, Nəriman güclü, bacarıqlı, istedadlı, qol vurmaq yetənəyi olmasaydı, əvvəla "Qarabağ"da tarix yazmazdı. İkincisi Amerikada Okeanın o tayında Mesisi Suarez və sair ulduzlarla bir çempionatda oynamazdı.

Bundan başqa Nəriman Axunzadə indi dünyanın ən baxımlı, çətin, maraqlı və ulduz futbolçularla dolu olan Türkiyə Super Liqasında oynayır. Bu zarafat və elə belə məsələ deyil. Ona qalsa gərək A. Abbasov hal - hazırda milliy çağırdığı futbolçuların bir çoxu heç əsas heyətdə möhkəmlənə bilməyən, az oyun praktikası olan futbolçular var. Bəs onları nə üçün çağırmısan sual doğurur? həmin futbolçular Nərimanın heç bir ayağında olan istedada dəymir. Litva ilə oyunda çağırdığın futbolçuların bir çoxusunun hazırlıqsız vəziyyətdəö olduğunu gördük. Potensialından çox aşağı çıxış etdilər. Lakin Nəriman Axunzadəyə belə hörmətsizlik yol verilməzdi. Təcili şəkildə Nəriman millinin əsas heyətinə dönməlidir. Hörmətli Ayaxn Abbasov Nəriman Axunzadənin dərhal çağrılma səbəblərini sizə izah edə bilərəm. Və yaxud da, bu futbolçu nədən millidə olmalıdır deyə sübutlar göstərə bilərəm. Əgər yadınızdan çıxıbsa xatırlada bilərəm. Nəriman Axunzadənin hansı nailiyyətlərinin olması, hal - hazırda hansı səviyyədə olan Super Liqada oynadığını unutmamısınız yəqin ki?

Nəriman Axundzadə "Qarabağ" forması ilə çıxış etdiyi müddətdə ümumilikdə 35 qol vurub və həm ölkə çempionluqları, həm də Azərbaycan kubokunu qazanıb. Onun Ağdam təmsilçisinin heyətindəki ətraflı statistik göstəriciləri sizin yadınıza xatırladım.

Qazanılan Titullar və Uğurlar

Nəriman Axundzadə "Qarabağ"ın əsas heyətində və akademiyasında yetişərək komanda ilə mühüm uğurlara imza atıb:
Azərbaycan Premyer Liqası çempionluğu: 3 dəfə ölkə çempionu olub (2022/23, 2023/24 və 2024/25 mövsümlərində).

Azərbaycan Kuboku: 1 dəfə ölkə kubokunun qalibi adını qazanıb.

⚽ Vurduğu Qolların Statistikası

"Qarabağ"ın əsas komandası ilə ümumilikdə 127 rəsmi oyuna çıxan gənc hücumçu, bu qarşılaşmalarda 35 qol vurub və 17 məhsuldar ötürmə (assist) müəllifi olub. Bu qolların turnirlər üzrə bölgüsü:


Azərbaycan Premyer Liqası: 84 oyunda 24 qol.

Avrokuboklar: 3 qol (eyni zamanda 6 assist).


Avrokubok Qolları və Rəqiblər

Nəriman avrokubok karyerasında ümumilikdə 3 qol vurub. Onun qapılarına yol tapdığı rəqiblər bunlardır:


???????? "Braqa" (Portuqaliya): Karyerasının ən yaddaqalan və tarixi qollarından biridir. 2023/24 mövsümündə UEFA Avropa Liqasının 1/16 final mərhələsinin Bakıdakı cavab oyununda, əlavə vaxtın son saniyələrində (120+2-ci dəqiqədə) vurduğu qolla "Qarabağ"ı turnirin 1/8 final mərhələsinə daşımışdı. Həm Azərbaycan xalqının, həm də, bütün Türk dünyasının rəğbətini qazanmışdır. Adını körpə uşaqdan, böyük və yaşlı futbol azarkeşlərinə kimi bilir.


???? Digər Avrokubok qolları: Nəriman həmçinin UEFA Çempionlar Liqası və Avropa Liqasının təsnifat və qrup mərhələsi oyunları çərçivəsində daha 2 qol vurmağı bacarıb.

Gənc vunderkind göstərdiyi bu performansla "Qarabağ" tarixinin ən parlaq gənc legioner transferlərindən birinə çevrilərək ABŞ-nin MLS təmsilçisi Kolambus Kryu klubuna transfer olunub. Daha sonra isə Türkiyə Superliqasında "Ərzurumspor" klubunda icarə əsasında çıxış edir. Yəqin ki, bu qədər məlumat kifayyət edir ki, baş məşqçi Ayxan Abbasov Nəriman Axunzadəni əsas milliyə təcili dəvət etsin. Onsuz da, hücum və hücumçu problemi yaşayan Millimizə daha bir çətinlik yaratmasınlar. Bir tənqidçi jurnalist olaraq düşünürəm ki, Nəriman Lixtenşteyn və Litva ilə oyunlarda əsas millidə və hətta əsas heyətdə olmalıdır. Təccrübəm və hissimə güvənərək deyə bilərəm ki, Nərimanın həmin oyunda milliyə çox xeyri dəyəcək. Bəlkə də, daha bir tarixi , uğurulu qolu və ya qolları millidə vuracaq.

Əli HƏYATİ