Azərbaycan millisinin təcrübəli məşqçisi Arif Əsədovun Futbolmedia.Az saytına müsahibəsi.

Arif müəllim artıq Millətlər Liqasında qrup mərhələsinin oyunları başa çatdı. Nəticədə Millimiz ikinci yeri tutdu. Yəni final mərhələsinə vəsiqə qazana bilmədik. İlk olaraq, yığmamızın səfərdə Slovakiya millisinə qalib gəlməsi, sensasiyaya imza atdığı oyundan danışmaq istərdim. Komandanın məşqçisi olarq fikirlərinizi bilmək istərdim?

Dörd oyundan sonra uzun fasilə olmuşdu. Biz millinin məşqçiləri olarq futbolçularımızn klublardakı oyunlarını izləyirdik. Sevindirici hal idi ki,yerli futbolçularımız öz klublarında əsas heyətdə oynayırdılar. Bundan başqa, beynəxalq təcrübəyə malik futbolçulardı. Bilirsiniz ki, millinin yaxşı olması, yaxşı çıxışı klublardan çox aslıdır. Baxmayaraq ki, bizi səfərdə Slovakiya millisi ilə çətin oyun gözləyirdi. Lakin komandanın və məşqçilər heyətinin nəticə qazanacağına inamı vardı.

Slovakiya millisini səfərdə məğlub etməyimizi gözləyirdinizmi. Axı milli komandamız hər zaman bu yığmaya daim məğlub olub. Çox çətin bir səfər idi?

Əlbəttə ki, belə çətin səfər oyunundan bir xalla belə dönsək, millimiz üçün yaxşı nəticə hesab ediləcəkdi. Lakin qələbə qazanmağın tam başqa bir hissi, sevinci, ləzzəti var. Düzünü deyim ki, qələbə inamımız da, vardı. Ən azı əllinin- əlliyə qəlbə gözləyirdik. Ən azından xalla qayıtmağa ümüdlü idik. Əla oldu ki, qalibiyyətlə vətənə döndük.

Bakıda artıq final mərhələsinə vəsiqə qazanmış Qazaxıstan millisini də, böyük hesabla məğlub etdik. Qupun lideri olan Qazaxıstan yığmasını bəs belə böyük hesabla məğlub edəcəyimizi necə, gözləyirdinizmi. Çünki bir çoxları bu oyundan ən azı heç –heçə gözləyirdi. Bəs siz necə?

Rəqib komandanın ikinci heyyətlə oynadığını deməzdim. Çünki onlarda da, iki futbolçu dəyişikliyi olmuşdu. Elə bizim komandanın da, iki futbolçusu yox idi. Mili sıviyyədə mən deməzdim ki, ikinci heyyəti olur. Çünki milli komandaya çağrılan futbolçuların səviyyəsi demək olar ki, bərabər olur. Çünki milliyə ən yaxşılar, ən güclülər çağrılır. 2-3 gündən bir oyun olan zaman futbolçularda yorğunluq hissi çox olur. Bunu meydanda özünüz də, yaxşı gördünüz. Mən şəxsən komanda daxilində öz aramızda söhbət zamanı demişdim. Bildirmişdim ki, erkən qol vursaq, və ya, ilk qolu biz vursaq, böyük hesabla qalib gələ bilərik. Gec qol vursaq da, ardını gətirə bildik. Son zamanlar bizim futbolçular qol vurduqdan sonra daha yaxşı təsir bağışlayır. Yəni daha da, yaxşı oynamağa başlayır. Ruh yüksəkliyi, psixoloji baxımdan üstünlük əldə edirik.


Bu qələbələr bizə demək olar ki, faydası olmadı. Belə ki, final mərhələsinə yüksələ bilmədik. Buna görə biraz tənqid olundunuz. Hətta futbolçular belə Belarus yığması ilə səfərdəki oyunda qalib gəlməli olduqlarını pemançılıqla dilə gətirdilər. Siz nələr söyləyə bilərsiniz?

Əvvəla, hər bir qələbə çox önəmli, vacib və sevindiricidir. Bu qələbələr az önəm daşmır. İlk olaraq dünya reytinqində xallarımızı yüksəldir. Tarixdə nəticələr qalır. Bizim bu qrupda qarşımıza vəzifə olaraq ilk pilləni tutub, final mərhələsinə vəsiqə qazanmaq kimi bir vəzifə də, qoyulmamışdı. Bir yaxşı futbolçu, məşqçi yetişməsi üçün müəyyən mərhələlər keçilməlidir. Artıq baş məşçimiz De Byazi iki ildən çoxdur ki, millinin sükanı arxasındadır. Və ildən ilə millidə daha yaxşı nəticələr verir. Bu il daha yaxşı çıxışlarımız oldu. Düşünürəm ki, zaman verilərsə, qarşıda daha yaxşı nəticə olacaq.

De Byazinin millidən getməsi, göndərilməsi gündəmə gəlib. Bilirsiniz ki, müqavilənin müddəti başa çatır. Siz onun getməsini, yoxsa qalmasını istəyirsiniz. Sizcə, onun millidə daha bir il qalması,yığma komandamıza, Azərbaycan futboluna nəsə verəcəkmi?

Bir məşqçi hər hansı bir uğra çatması üçün müəyyən mərhələlər keçməlidir. Bu illər zamkanında De Byazi Azərbaycan futbolunu tanımağa başladı. Demək olar ki, daha yaxşı tanıdı. Futbolumuzun dərinliklərini bildi. Bu üzdən bu mövsüm daha yaxşı nəticələr qazandıq. Ardı –arda millimiz qələbələr qazandı. Slovakiya millisini belə səfərdə məğlub etdik. Bu yaxşı nəticələrdi. Bütün bunları nəzərə alsaq, De Byazinin millinin sükanı arxasında qalması, Azərbaycan yığmasına fayda verə bilər. Son oyunlar, qələbələr onu göstərir ki, millimiz düz yoldadır. İşlər çox düzgün aparılır. Fikrimcə, De Byazi qalmalı və işlər davam etirməlidir.

Arif müəllim bu qələbələrdə sizin də, payınız az deyil. Millinin oyunlarını daim izləyən, futbolçuların milliyə çağrılmasında birbaşa iştirak edən şəxssiniz. Yəni kölgədə olan, daim milli üçün çox iş görən sizin zəhmətinizi dəyrləndirməmək doğru olmazdı. Bu qələbələrdə böyük pay sahiblərindən biri olaraq sizi də, görürəm. Mənimlə razısınızmı?

Çox sağolun ki, mənə və gördüyüm işlərə böyük dəyər verirsiniz. Əlbəttə ki, bir Azərbaycanlı və futbol mütəxəssizi olaraq, var gücümlə çalışırdım. Əlbəttəki, kənardan bu işləri siz jurnalistlər daha yaxşı qiymətləndirirsiniz. Mənim üçün vacib odur ki, əcnəbi baş məşçilərin yanında yerli mütəxəsiszlər olsun. Adətən belə olmur. Əcnəbi baş məşqçi gələn kimi yerliləri göndərir. Özününküləri gətirir. Üç ildir ki, cənab De Byazi ilə birlikdə çalışırıq. Bir –birimizi çox yaxşı başa düşürük. Əlimdən gələni etdim ki, millimizə fayda verim. İnanıram ki, bundan sonra da, var gücümlə çalışacam. Hər şey milli üçün, hər şey Azərbaycan futbolu naminə edirik.

Əli HƏYATİ