"Çox xoşbəxtəm ki, milli komandaya dəvət almışam. Əlbəttə ki, bu dəvəti "Qəbələ"də göstərdiyim yaxşı performansa bağlayıram. Klubda əsas heyətdə oynamaq şansım olanda belə ondan çox maksimum istifadə etməyə çalışdım. Çox şükürlər olsun ki, bu məndə yaxşı alındı."

Futbolmedia.az saytına açıqlama verən "Qəbələ" klubunun gənc futbolçusu Emin Səfərov milli komandaya çağrılmağından danışdı." İlk olaraq, Azərbaycan milli komandasının baş məşqçisi Canni De Byaziyə təşəkkür edirəm ki, məni milli komandaya dəvət etdi. Buna görə özümü çox xoşbəxt hiss edirəm. Hər bir futbolçunun millinin şərəfini qorumaq böyük arzusudur. Bilirəm ki, milli komandada oynamaq və özünü doğrultmaq çox çətindir. Lakin bu gücü və inamı özümdə hiss edirəm. Azərbaycan millisi uğrunda ən yaxşısını edəcəm. Əlimdən gələni edəcəm ki, milli komandamıza xeyrim dəysin.