"Kəpəz"in kapitanı Tural Axundovun Futbolmedia.Az saytına müsahibəsi.

Tural Azərbaycan kubokunda Gəncədə “Turan Tovuz”u qəbul etdinuz. Hesabı siz açsanız da, sonda ilk görüşdə məğlub oldunuz. Bir komandanın kapitanı olaraq bu məğlubiyyəti nə ilə əlaqələndirərdin?

Maraqlı və bol qollu bir oyun keçdi. Çox gərgin bir matç idi. Əslində, bu oyunun qalibi biz olmalı idik. Ən ədalətli nəticə bu olmalı idi. İlk olaraq, mən vura bilmədiyim penalti haqqında danışmaq istərdim. Bəlkə də, mən penaltini dəyərləndirə bilsəydim, nəticə başqa cür ola bilərdi. Penaltini vura bilməməyimə görə, komandamı və ən əsası baş məşqçim Tərlan müəllimi üzməyimə görə çox məyus oluram. Heç istəməzdim ki,belə olsun. Lakin penalti vuruşu bir lotereya kimidir. Hər vurulan penalti qol olmaz. Hər güclü və yaxşı futbolçu penaltini dəqiq vura bilmir. Mən penaltiləri bilirsiniz ki, çox yaxşı vuran futbolçuyam. Lakin neyləmək olar ki, belə alındı. Heç dünyanın hegomon Braziliya millisinin ulduzları belə penaltiləri vura bilmədilər. İnşəallah cavab oyununda qalib gələrək əvəzini çıxarıq.

Tural düşünürəm ki, sən buna görə narahat olmamalısan. Çünki dünyanın ulduz futbolçuları belə çox sayda penaltiləri qaçırıb. Yəni penalti yaxşı futbolçu üçün göstərci deyil. Mənim firimlə razısanmı?

Əlbəttə ki, bunun biz də şahidik. Əlbəttə ki, məhşur futbolçular belə penaltini yaxşı vura bilməyiblər. Bu bir göstərici deyil. Lakin mən hər zaman penaltiləri yaxşı vurmuşam. Sadəcə, top ayağıma yaxşı oturmadı. Həm də, istəyirdim ki, topu uzaq küncə göndərim. Qapıçının tuta bilməməsi üçün belə etdim. Ola bilsin çoxdandır ki, vurmurdum. Nəisə bunu unutmaq növbəti oyunlara köklənmək lazımdır.

Növbəti oyun demişkən, “Sabah”la çətin bir qarşılaşma sizi gözləyir. “Sabah” da iki oyundur ki, qalib gələ bilmir. “Şamaxı” klubu sensasiya edərək, “Sabah”dan bir xal almağı bacarıb. Bu oyunda sizin xal qazanmaq şansınız necədir?

Əlbəttə ki, çətin bir oyun olacaq. Çünki rəqib komanda çox güclü heyətə malikdir. Lakin biz də, Gəncədə doğma meydanda, azarkeşlərimiz qarşısında oynaırıq. Meydanda bizi sona qədər dəstəkləsələr, “Sabah”ı məğlub da, edə bilərik. “Sabah”a böyük hesabla məğlub olmuşduq. İçimizdə bir revnş hissi var. Əlimizdən gələni etməliyik ki. heç olmasa, bu oyundan xalla ayrılaq. Gəncə azarkeşlərindən möhtəşəm dəstək gözləyirəm.

Əli HƏYATİ