Məqsəd “Qarabağ”la evdə qarşılaşdınız. Oyunda qol olmasa da, maraqlı bir oyun keçdi. Matç haqqında fikirlərin?

Düşünürəm ki, hər iki komanda yaxşı oyun nümaiş etdirdi. Marqalı bir oyun keçdi. Fikrimcə, “Qarabağ”la oyunda qalib gələ bilərdik. Bizim oyunun qırılma nöqtəsi penalti qalmaqalına qədər oldu. Həmin epizod zamanı rəqibin qapısına penalti təyin olsaydı, nəticə başqa cür olacaqdı.

Penalti məsələsi gündəm oldu. Səncə, penalti vardı?

Bəli. Açıq-aşkar göründü ki, penaltidir. Medina birbaşa əli ilə oynadı. Lakin rəqib komanda da, yaxşı və güclü komandadır. Penalti məsələsini çıxsaq, ədalətli nəticə elə heç-heçədir.Oyun zamanı bir neçə real qol imkanlarımız oldu. Çox təssüfflər olsun ki, yararlana bilmədik. “Qarabağ” kimi komanda ilə heç-heçə etmək belə bizim üçün uğurlu nəticədir.

Oyunun ən yaxşılarından biri sən idin. Ümumiyyətlə, bundan öncəki turlarda da, özünü yaxşı tərəfdən göstərə bilmisən. Bəs sən öz oyunundan razı qaldınmı?

Əslində bundan da, yaxşı oyun sərgiləyə bilərdim. Baş məşqçimiz çox sağolsun ki, mənə etimad göstərir. Məndə meydanda əlimdən gələni edirəm. Deməzdim ki, potensialımın bütünlüklə budur. Bundan da, yaxşı oynamağı bacarıram. İnanıram ki, oyundan-oyuna artıracam.

Növbəti oyununuz hazırda yaxşı formada olan “Zirə” klubuna qarşı olacaq. Bu oyunda üç xal şanslarınızı necə dəyərləndirirsən?

Hal-hazırda “Zirə” yaxşı futbol sərgiləyir. Bunu oyunlarından və vurduğu qollardan söyləmək olar. Bizim kimi ilk üçlüyə iddialı komandalardandır. Düşünürəm ki, bizi çətin oyun gözləyir. Əlimizdən gələni edəcəyik ki, səfərdən üç xalla dönək.

Əli HƏYATİ