"Keşlə" klubunun futbolçusu Tural Axundovun Futbolmedia.Az saytına müsahibəsi.

Tural Azərbaycan çempionuna qarşı oynayırdınız. “Neftçi” ilə oyun maraqlı, gərgin həm də ki, bol qollu bir matç oldu. Səndə bir təcrübəli futbolçu olarq oyunun və gözəl ötürmələrinlə yadda qaldın. Matç haqda nə deyərdin?

Bu matça 3 xal üçün çıxmışdıq. Çünki mütləq qələbəyə ehtiyyacımız var. Buna görə də, ilk dəqiqələrdən rəqibin qapısına doğru irəli atıldıq. Yəni erkən qol vurmaq istəyirdik. Hətta kifayyət qədər rəqibi təzyiqdə saxlamağı bacardıq. Real qol imkanlarımız da, çox oldu. Çox təəssüflər olsun ki, istifadə edə bilmədik. Hətta penaltimiz belə verilmədi.

Səncə, nəticə qazanmaq üçün nə çatmadı. Çünki, sürət, hücum, real qol vəziyyətləri, istək vardı. Ancaq sonluğu gətirə bilmirdiniz?

Məncə, buna dəqiqlik çatmadı. Bir qədər də, bəxtimiz gətirmədi. Hər oyundakı kimi, real qol epizodlarımız olur. Bu dəfə də, qol vurmaq imkanlarımız oldu. Çox heyf ki, alınmadı. Bəlkə də, qollardan birini vursaydıq, və ya, penaltimiz verilsəydi, nəticə tamam başqa cür olcaqdı.

Tural oyunun ən yaxşılarından biri oldun. İrəli – geri daim işləməyin, hücuma tez-tez atılmağından əlavə möhtəşəm ötürmələrin oldu. Bu real qol ötürmələrindən biri məşhur futbolçu Zinəddin Zidanın ötürmələrinə bənzədi. Çox soyuqqanlı şəkildə topu ustalıqla ram edib, möhtəşəm ötürmə verdin. Lakin komanda yoldaşının zərbəsi dirəkdən döndü. Öz oyununla bağlı nələr deyə bilərsən. Razı qaldınmı?

Bilirsiniz ki, 3-4 turdu ki, oyun praktikam yox idi. Buna görə, oyunda hələ tam potensialımı ortaya qoya bilmədim. Lakin əlimdən gələni etdim ki,komandama yardım edim. Oyuna çox yaxşı başlamışdım. Sizinlə razıyam ki, oyun zamanı yaxşı ötürmələrim oldu. Hətta özüm qapıya belə zərbələr vura bilərdim. Lakin daha yaxşı mövqedə olan komanda yoldaşlarıma ötürmə etdim. Bundan da, yaxşı oynaya bilərdim. İnşəallah oyun praktikam çox olduqca, hər şey yüksək səviyyədə olacaq. Növbəti oyunlarda daha yaxşı oynamağa çalışacam.

Əli HƏYATİ