"Keşlə" komandasının təcrübəli futbolçusu Tural Axundovun Futbolmedia.Az saytına müsahibəsi

Tural Premyer Liqanın 17-ci turundagüclü “Qarabağ”a qarşı oynadınız. Bu qarşılaşmada gözlənilməz olsa da, bir xal qazanmağı bacardınız. Belə nəticəni gözləyirdinmi?

“Qarabağ” komandası Avroliqda “Marsel” ilə çətin bir oyun keçirdi. Buda, bizim üçün bir fürsət oldu. Komandamız əlindən gələni etdi ki, bu matçdan bir xalla ayrılaq. Özünüz də, gördünüz ki, birneçə real qol imkanlarımız oldu. Bəlkə də, bu şansları dəyərləndirsəydik, daha yaxşı nəticə qazana bilərdik. “Qarabağ” kimi güclü komandanın əvəzedici heyəti belə çox güclüdür. Çünki rəqib komanda eyni sistemdə oynayır. Bizim üçün də, oyun asan keçmədi.

Real qol epizodundan başqa penalti epizodu da, vardı. Lakin baş hakim rəqi qapısına qarşı penalti təyin etmədi. Necə düşünürsən həmin epizod zamanıpenati vardı?

Bunu demək çətindir. Baş hakim penalti verədə bilərdi. Lakin penalti təyin etmədi. Düşünrəm ki, baş hakim mövqeyə daha yaxın idi. Yəni penlti vermədisə, demək ki, belə məsləhət bilib. Mən baş hakimin işlərinə qarışa bilmərəm.

Növbəti oyununuz daha bir güclü rəqib komanda “Sabah” olacaq. Bilirsən ki, “Sabah”ın da heyətində kifayyət qədər fərdi ustalıq səviyyəsi yüksək olan legionerlər var. Bu amil sizi narahat etmir?

Əvvəla deyim ki, “Sabah”ın “ son çempion “Neftçi” ilə oyununu izlədik. Çox yaxşı və güclü komandadır. Bəli. Razıyam ki, heyətində kifayyıt qədər güclü futbolçular var. Oyunun taleyini hər an həll edə biləcək futbolçuları var. Əlbəttə ki, çox çətin oyun olacaq. Lakin bizim də, durumumuz xal baxımından yaxşı deyil. Buna görə də, meydana qələbə üçün çıxacağıq. Çünki xal ehtiyyatımızı artırmaq lazımdır. Əlimizdən gələni edəcəyik ki, bu oyundan qələbə ilə ayrılaq.

Bəs qələbə şanslarınızı nəcə dəyərləndirirsən?

“Sabah”ı öğma meydanda qəbul edəcəyik. Evdə komandamız daha yaxşı təsir bağışlayır. Əlimizdən gələni edəcəyik ki, oyundan sərfəli nəticə ilə ayrılaq. Qələbə qazanmaqdan başqa çıxış yolumuz yoxdur.

Əli HƏYATİ