"Keşlə" klubunun futbolçusu Tural Axundovun Futbolmedia.Az saytına müsahibəsi.

Tural Premyer Liqanın 12-ci turunda səfərdə “Sabah”ın qonağı oldunuz. Gərgin keçən matçda məğlub oldunuz. Lakin deyərdim ki, “Keşlə” yaxşı oynadı. Məğlubiyyətə layiq deyildi. Sən necə düşünürsən?

Bu oyuna çox yaxşı hazırlaşmışdıq. Mütləq xal qazanmaq istəyirdik. Çnki başqa şansımız qalmayıb. Lakin gözləmədiyimiz halda qapımızda iki erkən qol buraxdıq. İlk hissə rəqib üstün olsa da, ikinci yarıda biz “Sabah”dan qat-qat üstün idik. Qolların birini vusaq da, ardı gəlmədi. Çox çalışdıq ki, 2-ci 3-cü qolları vura bilmədik.

Sözlərindən belə başa düşdüm ki, məğlubiyyətin əsəs səbəblərindən bii erkən qol buraxmağınız, digəri isə real qol vəziyyətlərini maksimum dəyərləndirə bilməməyiniz oldu?

Açığı deyim ki, erkən qol çox matçlarda həlledici olur. Lakin oyuna baxınca belə çıxır ki, rəqib bizdən daha istəli idi. Yəni biz komanda olaraq tam potensialımızı ortaya qoya bilmədik. Biz də, istəkli idik. Lakin görünür onlar daha istəkli və əzimkar oldular. Bundan başqa bizim əlimizə düşüən real qol imkanlarımız dəyərləndirə bilməməyimiz nəticəyə təsir etdi.

Tural real qol vəziyyətlərinizdən maksimum istifadə edə bilmirsiniz. Bunu çox oyunlarınızda görmək olar. Bir təcrübəli futbolçu kimi bunun səbəbini nədə görürsən?

Bilirsiniz, futbolda belə hallar çox olur. Yəni futbolun xüsusiyyətlərindən biridir. Hər hücum, qol epizodunu qola çevirmək olmur. Mənbunu bəxtlə əlaqələndirərdim. Elə dünənki oyunda da, bəxtimiz gətirmədi. İkinci hissə rəqibin qapısı ağzında saysız-hesabsız təhlükəli qol epizodlarımız oldu. Sadəcə, vura bilmədik. Əslində matçın ədalətli nəticəsi ən azından heç-heçə olmalı idi.

Növbəti oyun bir neçə tur öncə səfərdə məğlub etdiyiniz “Səbail” olacaq. Bu dəfə qələbə şanslarınızı necə dəyərləndirirsən?

Bu oyun bizim üçün çox əhəmiyyətli olacaq. Belə bir deyim var. Öldü var, döndü yoxdur. Hazırda turnir cədvəlində durum elədir ki, üç xal bizə hava-su kimi vacibdir. Əlimizdən gələni edəcəyik ki, “Səbail”lə oyundan meydandan üç xalla ayrılaq. Biz axrıncı yerlərdə getmək istəmirik. “Sabail”lə gəlincə isə yaxşı oyun sərgiləyən komandadır. Bir sözlə, onlara da, xal lazımdır. Bizi çətin oyun gözləyir.

Əli HƏYATİ