"Kəpəz" klubunun kapitanı Tural Axundovun Futbolmedia.Az saytına müsahibəsi.

Tural çoxları gözləmirdi ki, “Qarabağ”a qarşı döyüşkən mübarizə aparacaqsınız. Hətta qol vurub hesabı bərabərləşdirmişdiniz. Belə oyun, belə nəticə gözləyirdinizmi?

Yeni komanda, gənc futbolçularla pis təsir bağışlamadıq. Komanda “Qarabağ”la oyunda əsl döyüşkənlik nümaiş etdirdi. Hətta qol vurub hesabı bərabərləşdirməyi bacardıq. Belə güclü rəqiblə başa –baş mübarizə aparmaq onu göstərir ki, komandada çox irəliləyiş var. İstəməzdim ki,belə olsun. Lakin futbolda belə anlar qaçılmaz olur. Məndə istərdim ki, komandama yardımçı olum. Komandamızda yaxşı motivatsiya vardı.İstəyirdik ki, “Qarabağ”la oyunda ən azı bir xal qazanaq.

Hesabı bərabərləşdirdikdən heç 1-2 dəqiqə keçməmiş qapınızda ani, və gözlənilməz qol gördünüz. Nədir bunun səbəbi. Hətta komanda yoldaşın Kantariyaya qarşı dirsək zərbəsinə hakim göz yumdu Bir kapitan olaraq buna münasibətin?

Qoldan sonra qapımızda tez qol gördük. Müdafiədə çox adi səhvlərə yol verdik. Lakin qapımıza vurulan ikinci qolda futbolçumuza qarşı qayda pozuntusu olmuşdu. Lakin hakim bunu qeydı almadı. Belə epizodlarda VAR sisteminə baxmaq lazım idi. Çünki oyunun b=video təkrarına baxdıqda her şey açıq-aydın görünür. Belə vacib epizodlarda VAR sisteminə mütləq baxmaq lazımdır. Bəs VAR sistemi nə üçündü? Düşünürəm ki, bizə qarşı haqsızlıq oldu. Medina açıq –aydın dirsəyi ilə Kontariyanı vurdu. Bu birbaşa qayda pozuntusu, və vərəqəlik epizod idi. Birbaşa qırmızı vərəqə vermək olardı. Rəqib 10 nəfərlə qalsaydı, nəticə başqa cür ola bilərdi.

Növbəti oyununuz “Turan Tovuz”a qarşı olacaq. Bir Qərb Derbisi olacaq. Bu oyunda qələbə qazanmaq şanslarınızı necə dəyərləndirirsən?

Bir kapitan olaraq azarkeşlərimizi bizə dəstək olmağa çağırıram. Çox çətin oyunlardan biri olacaq. Biz Gəncədə doğma azarkeşlər qarşısında oynayacağıq. Mütləq 3 xal qaznmaq istəyirik. Hər iki komandaya 3 xal vacib lazımdır. Buna görə də, çox çətin oyun olcaq. Xal ehtiyyatımızı qaldırmaq lazımdır. Mütləq qalibiyyət lazımdır.

Əli HƏYATİ