"Turan Tovuz" klubunun aparıcı üzvü Tərlan Quliyevn Futbolmedia.Az saytına müsahibəsi.

Tərlan Azərbaycan kubokunda bir müddət öncə çempionatda məğlub olduğunuz “Şamaxı”ya qalib gəldiniz. Və bu qələbə sayəsində növbəti mərhələyə yüksəldiniz. Bu minimal hesablı qalibiyyəti şərh etməyini istərdim. Hesab oyuna görə oldu?

Matçın ağır keçəcəyini yaxşı bilirdik. Bundan başqa səfərdə oynamaq işimizi çox çətinləşdirirdi. Həmçinin, bir oyundan ibarət qarşılaşmalar hər zaman ağır keçir. Yəni çox məhsuliyyətli bir oyun idi. Ehtiyyatlı olmalıydıq. Rəqibin qapısına qol vurduqdan sonra daha çox real qol imkanlarımız oldu. Mən deyərdim ki, daha bir neçə qol vura bilərdik. Yəni hesab daha böyük ola bilərdi. Sadəcə real qol epizodlarını dəyərləndirə bilmədik.

“Şamaxı” ilə oyundan öncə bir revanş almaq hissi vardımı. Yəni komandada qisas almaq kimi bir aqressiya vardımı. Yoxsa?

Əgər meydana sırf revanş düşüncəsi ilə çıxsaydıq, məğlub ola bilərdik. Çünki futbolu hisslə, deyil, təmkinlə, sistemlə oynanılır. Meydanda çox aqressiv olarsansa, ya qırmızı vərəqə alırsan. Və ya, oyunun istənilən kimi alınmır. Bunu illərlə futbolda qazandığım təcrübəmdən bilirəm. Lakin qələbə istəyimiz çox idi. Şükürlər olsun ki, bu istəyimizə nail olduq.

Kubokda növbəti rəqibiniz Gəncənin “Kəpəz” klubu olacaq. Ölkə kubokunda da, “Qərb derbi”si izləyə biləcəyik. Növbəti mərəhələ şanslarınızı necə dəyərləndirirsən?

Fikrimcə, çox maraqlı və gərgin oyun olacaq. Bu qarşılaşma iki oyundan ibarət olacaq. Hər iki komandanın güclü azarkeşləri var. Hər iki meydandakı oyun böyük azarkeş kütləsi önündə keçiriləcək. Bu isə oyuna çox maraq qatacaq. Bir sözlə, çox çətin bir oyun olacağını düşnürəm. Düşünürəm ki, belə oyunalara çox diqqətli yanaşmalıyıq. İnanıram ki, sonda mərhələni keçən tərəf biz olarıq.

Bir neçə gündən sonra Azərbaycan Premyer Liqasında növbəti rəqibiniz turnir cədvəlinin ikinci pilləsində qərarlaşan “Sabah”la mübarizə aparacaqsınız. Heyətində kifayyət qədər səviyyəli futbolçular olan komandaya qarşı oynayacaqsınız. Bir müdafiəçi olaraq səviyyəli hücumçuları olan komandaya qarşı oynamaq indidən səni narahat edirmi?

Əlbəttə ki, çox güclü bir rəqibdir. İkinci pillədə qərarlaşan, “Qarabağ”la çempionluq uğrunda başa-baş mübarizə aparan bir klubdur. Heyətində isə kifayyət qədər həm legioner, həm də, yerli millinin futbolçuları var. Belə klublara, futbolçulara qarşı mübarizə aparmaq asan deyil. İndidən oyunun çox çətin və gərgin keçəcəyini təxmin etmək olar. Düşünürəm ki, çox diqqətli olmalıyıq. Meydanda kobud səhvlər etməməliyik. Çünki rəqibin elə təcrübəli, səviyyəli futbolçuları var ki, hər an istənilən vəziyyətdən maksimum istifadə edə bilərlər. Yəni gözləmədiyin anda qol epizodları yaradacaq gücdədilər. Belə rəqiblərlə oyunda açıq futbol oynamaq öldürücü ola bilər. Sadəcə, meydanda sona qədər vuruşmalıyıq. Əlimizdən gələni etməliyik ki, ən azı meydanı xalla tərk edək. Çox çətin olduğunu bilirəm. Lakin çox çalışmalıyıq.

Əli HƏYATİ