"Turan Tovuz" klubunun aparıcı futbolçusu Tərlan Quliyevin Futbolmedia.Az saytına müsahibəsi.

Tərlan Premyer Liqanın 9-cu turunda səfərdə ölkənin ən güclü klublrından biri olan “Neftçi”yə qarşı oynadınız. Həm heyət, həm legionerlər baxımından sizdən qat-qat üstün olan rəqiblə matçda sensasiya etdiniz?


Biz bilirdik ki, “Qarabağ”a məğlub olduqdan sonra “Neftçi” bizimlə oyuna çox aqressiv və istəkli çıxacaq. Yəni nəyin bahasına olursa – olsun qalib gəlmək istəyəcəklər. Sadəcə, komanda şəklində möhtəşəm oynadıq. Bu qarşılaşmada ən əsası istəkvardı. Mən deyərdim ki, biz hətta “Neftçi”yə qalib də, gələ bilərdik. Real qol epizodlarını qola çevirsəydik, nəticə bizim xeyrimizə ola bilərdi.

“Turan Tovuz”un əsas üzvlərindən biri olaraq bu nəticə haqqında nə deyərdin. Bu nəticəni gözləyirdinizmi. Çünki “Neftçi” ilə səfər oyunundan hər komanda xalla qayıda bilmir?

“Neftçi”nin hazırda oturuşmuş heyəti var. Bundan başqa heyətlərində yaxşı 7-8 legionerləri var. Bəlkə də, “Neftçi” bizimlə matçı o qədər də, ciddiyə almadı. Bir qədər rahat meydana çıxdı. Bu mənim şəxsi fikrimdi. İlk 15-20 dəqiqədə bunu hiss etdim. Bundan sonra da, komandamızın oyun üslubu oturuşdu. Yəni uşaqlar artıq necə deyərlər qızışmışdı. Yenə də, deyirəm ki, biz hətta “Neftçi"yə qalib gələ bilərdik. Əks –hücumlarda bundan yararlana bilərdik.

Tərlan sən “Turan Tovuz”un əsas üzvlərindənsən. Lakin səni bu dəfə Ayxan Abbasov əsas heyətdə meydana buraxmamışdı. Bəlkə zədən var. Yoxdursa, meydana çıxmamağının səbəbi nədir?

Şükür Allaha zədəm yoxdur. Lap əla formadayam. Bu ratasiyalar normal bir şeydir.Bunda fərq yoxdur. Kiimin oynaması, kimin oynamamsının fərqi yoxdur. Ən əsası komandamızın yaxşı nəticə qazanmasıdır. Bilirsiniz, oktyabır ayında 25 günə 5-6 oyun oynamalıyıq. Buna futbolçu çatdırmır axı. Çox çətin olur. Düşünürəm ki, növbəti oyunda meyda çıxacam. Əlbəttə ki, əgər baş məşqçi belə məsləhət bilirsə. Əslində, belə istirahətlər normaldır. Çünki baş məşqçimiz Ayxan müəllim işini sevən, işini bilən, təcrübəli mütəxəssizdir.

Növbəti oyununuz “Səbail”lə doğma meydanda olacaq. Belə deyək ki, dişinizə görə rəqibdir. Bu oyundan üç xal qazanmaq şanslarınızı necə görürsən?


Doğma meydanda, mötəşəm azarkeşlərimiz qarşısında oynayacağıq. “Səbail”lə oyunu 6 xallıq matç adlandırardım. Çünki “Səbail” bizi addım-addım izləyən komandadır. Bizdən bir pillə aşağıdadır. Rəqib komanda “Sumqayıt” üzərində qalib gəldiyi üçün motivatsiyaları yüksək olacaq. Buna görə də, onlarla oyuna çox ciddi yanaşmalıyıq. Yoxsa, nəticələri ağır ola bilər. Lakin doğma meydanda, doğma azarkeşlərin dəstəyi ilə qalib gəlmək istəyirik. İnanıram ki, meydanı sonda 3 xalla tərk edən komanda biz olacağıq.

Əli HƏYATİ