"Keşlə" klubunun təcrübəli futbolçusu Tural Axundovun Futbolmedia.Az saytına müsahibəsi.

Tural “Səbail”lə evdəki qarşılaşmada hər şey vardı. Penalti, sarı, qırmızı vərəqə və son saniyələrdə gələn qollar. Maraqlı və bol qollu qarşılaşma haqda nə deyərdin?

Doğru deyirsiniz ki, bu oyunda hər şey oldu. Marqlı oyun keçdi. Bu qarşılaşma üç xallıq oyun idi. Qolları lap vaxtında vurmuşduq. Oyunun gedişatına da nəzarət bizdə keçirdi. Hətta iki top fərqi ilə irəlidə olduğumuz vxtda da, bir neçə real qol imkanlarımız oldu. Hamı elə bilir ki, biz özümüz oynamırıq. İnanın bu belə deyil. Meydanda sona qədər vuruşduq. Oyunun video yazısına baxsalar, görərlər ki, meydanda canımızı qoyuruq. Sadəcə real qol imkanlarından maksmum yararlana bilmirik. Bundan başqa da, bəxtimiz gətirmir.

Komanda yoldaşın Abangın qırmızı vərəqə almasından sonra işləriniz tərsinə getdi. Qələbənin əldən getməsinin əsas səbəbi bunu göstərmək olarmı?

Əlbəttə ki, qırmızı vərəqə belə bir oyunda nəticəyə çox təsir edir. Azlıqda qalan komanda daha çox hücum deyil, bir qədər müdafiəyə diqqət yetirir. Mən deməzdim ki, Abang ikinci sarı vərəqəni qəsdən aldı. Bilərəkdən bunları etdi. Sadəcə, ani oyun epizodunda rəqibin üzərinə yeridi. Əlbəttə ki, azlıqda qalmaq nəticəyə təsirsiz ötüşmür.

Tural “Səbail”lə oyunda pis təsir bağışlamadın. Hətta mən deyərdim ki, öz mövqeyində səhvsiz oynadın. Bəs sən necə öz oyunundan razı qaldınmı?

Bilirsiniz, hər bir futbolçu ehtiyyat skamiyada olsa belə, oyuna hər an girə bilmək üçün hazır olmalıdır. Əsas 11-likdə olmasam belə, özümü tam olaraq hazır tuturam. Yəni bütün oyunlara tam hazır formada oluram. Bu oyunda da, əlimdən gələni etdim ki, komandama xeyir verim. Ancaq düşünürəm ki, bundan da qat-qat daha yaxşı oynaya bilərəm. Çünki təcrübəm və potensialıma bələdəm. Birdə ki, təkcə mən deyil, komanda şəklində yaxşı oynadıq.

Hazırda turnir cədvəlində elə bir vəziyyət yaranıb ki, bir qələbə sizi n mövqeyinizi daha yaxşı edə bilər. Yəni “Sumqayıt”ı məğlub etsəniz, xal ehtiyyatınız və mövqeyiniz yaxşılaşar. Bu oyunda qələbə şanslarınızı necə dəyərləndirirsən?

Hər oyunda komandamız meydana ölüm-dirim savaşına çıxır. Mən əminliklə deyə bilərəm ki, “Sumqayıt”la oyunda da, belə olacaq. İstəyirik ki, “Sumqayıt”ı məğlub edib, qış fasiləsinə yaxşı mövqedə yollanaq. Buna görə, meydanda var gücümüzü ortaya qoymalıyıq. Meydanın hər qarışı uğrunda mübarizə aparacağıq. İnanıram ki, sonda sevinən tərəf biz olaraıq.

Əli HƏYATİ