"Keşlə" klubunun futbolçusu Tural axundovun Futbolmedia.Az saytına müsahibəsi.

Premyer Liqanın növbəti turunda “Qarabağ” kimi güclü rəqiblə qarşılaşacaqsınız. Tural bu oyun haqqında nə düşünürsən?

Növbəti rəqibimiz nəinki Azərbaycan çempionatında, hətta avropa yarışlarında belə sözünü demiş komandadır. Əlbəttə ki, çox çətin bir qarşılaşma olacağını düşünürəm. Rəqib komanda istənilən mövqedən, istənilən zaman qol vurmağı bacaran komandadır. Lakin bün bunlara baxmayaraq meydana yaxşı nəticə qazanmaq üçün çıxacağıq.

Oyun öncəsi komandanızda motivasiya hnsı durumdadır?

“Neftçi” üzərində qalibiyyətdən sonra əhval-ruhiyyəmiz yüksək səviyyədədir. Komandanın özünə inamı böyükdür. Hər kəs meydana çıxıb, mübarizə aparmaq üçün hazırdı.

“Keşlə”nin təcrübəli futbolçularından birisən. Bir çox güclü komandalara qarşı oynamısan. Eləcə də, “Qarabağ”a qarşı oyunların az olmayıb. Səncə, “Qarabağ”ın hansı mövqeləri, taktikası, üslubundan daha çox ehtiyyat etmək lazımdır. Onların üstünlüyünü nəzərdə tuturam?

“Qarabağ” optimallaşmış bir klubdur. Illərdi bir yerdə oynayan futbolçular çoxdur. Hətta heyətin əsas 1-2 futbolçusu olmasa belə, onu yüksək səviyyədə əvəz edən futbolçular var. “Qarabağ”ın topu özündə daha çox saxlaması, rəqiblərini üzərinə atılmasına şərait yaradan klubdur. Bu amil də, rəqibin müdafiəsində boşluqlar yaradır. Bir sözlə, onlara daha çox topu özülərində saxlamalarına imkan vermək olmaz. Daim presinq etməliyik. Yəni meydandan yaxşı nəticə ilə ayrılmaq istəyiriksə, hər qarış üçün mübarizə aparmalıyıq. Çünki rəqib elə komandadır ki, hər an təhlükə yarada, qol vura bilər.

Tural şəxsi fikrimdir ki, baş məşqçi Sənan Qurbanov “Qarabağ”la oyunda sənin kimi təcrübəli futbolçulara daha çox üstünlük verməlidir. Sübut olunmuş bir üslubdur ki, belə güclü rəqiblərlə oyunda təcrübəli futbolçulara üstünlük verilir?. Sən necə düşünürsən?

İstənilən futbolçu belə rəqiblərlə oyunda meydanda olmaq istəyər. Lakin buna mən deyil, baş məşçimiz Sənan müəllim qərar verir. Lakin mən məşqlərimi edirəm, tam formadayam. Heç bir zədəm yoxdur. Isətnilən zaman baş məşqçinin bir əmri ilə meydana çıxıb komandamın qələbəsi, uğurları üçün meydanda sona qədər mübarizə aparmağa hazıram. İnşəallah "Qarabağ"la oyundan sonra sevinən tərəf biz olarıq.

Əli HƏYATİ