"Kəpəz"in kapitanı Tural Axundovun Futbolmedia.Az saytına müsahibəsi.

Tural Şamaxı səfərindən bir xalla qayıtdınız. Düzdü, qalib gəlmək şansınız da, böyük idi. Çoxlu qol vurmaq imkanlarınız oldu. Kapitan olaraq bu matçı necə dəyərləndirərdin. Bir xal qazandınız, yoxsa, iki xal itirdiniz?

Belə deyək ki, bir xal qazandıq. Lakin oyuna, birbaş üstünlüyümüzə görə isə iki xal da, itirdik. Oyunu udmaq olardı. Elə ilk yarıda real qol vəziyyətlərimiz çox oldu. Mən deyərdim ki, ilk yarını 2-3 top fərqi ilə bitirə bilərdik. Sadəcə, epizodları boşa verdik. Həmçinin bəxtimiz də, gətirmədi. Oyuna bütünlüklə nəzarət bizdə idi.

Xal itirmənizdə, qalib gələ bilməməyinizə səbəb olraq nəyi göstərərdin. Nə çatmadı?

Hər oyunda biz 3-4 real qol imkanları olur. Bax bunları dəyərləndirə bilsəydik, nəticə başqa cür olardı. Bundan başqa, bizim bir xəstəliyimiz də, var. Rəqib qapısına qol vurduqdan sonra bşalırıq. Öz qapımızdan qol buraxırıq. Bu xəstəliyin nədən qaynaqlandığını bilmirik. Çlaışırıq ki, hər oyunda qalib gələk. Bax bunun üzərində çalışmalıyıq. Baş məşqçi əla bir komanda qurub.

Meydana sonradan girsən də, mərkəzdə pleymeyker kimi çıxış etdin. Bu mövqedəki çıxışından razı qaldınmı. Məncə, yaxşı hər şey əla alındı. Bu mövqedə karyeran ərzində oynamısan?

Əlbəttəki, az oynadığım mövqedir. Lakin “Şamaxı”da çıxış etdiyim zamanda bu mövqedə çıxıç etmişəm. Kubok oyununda da, pleymeyker kimi oynamışdım. Hər iki ayağımla yaxşı oynaya bilirəm. Hansı mövqe olursa –olsun oynamağı bacarıram. Bu mövqedəki oyunumdan razı qaldım.

Əli HƏYATİ