"Kəpəz" klubunun kapitanı Tural Axundovun Futbolmedia.Az saytına müsahibəsi.

Tural Premyer Liqanın növbəti turunda evdə “Turan Tovuz”u qəbul etdiniz. Qərb “Derbi”sində hər zaman maraqlı oyunlar keçib. Matçın üstün tərəfi olsanız da, qalib gələ bilmədiniz. Möhtəşəm oynasanız da,hücumlarınız çox olsa belə qələbə gəlmədi. Qələbə qazana bilməməyinizin səbəbini nədə görürsən?

Çox maraqlı oyun keçdi. Özünüz də, gördünüz ki,oyunun sonuna qədə rəqib qapısı qarşısında təhlükəli vəziyyətlər yaratdıq. Əslində qələbəyə layiq idik. Həm birinci yarıda, həm də, ikinci hissədə çox yaxşı futbol sərgilədik. Mən deyərdim ki, 90 dəqiqə üstün tərəf biz olduq. Sadəcə real qol imkanlarını dəyərləndirə bilmədik. Biz də, çox istəyirdik ki, evdə azarkeşlərimiz önündə qalib gələk. Təssüfflər olsun ki, alınmadı.

Səncə, bu qolun gəlməsinə, qələbə qazanmanıza nə çatmadı?

Açığını deyim ki, bizə vuran ayaq lazımdır. Bundan başqa, müəyyən epizodlarda bəxtimiz gətirmədi. Top bir dəfə tirdən geri döndü. Bilirsiniz, rəqib qapısının ağzına kimi gəlirdik, digəl ki, qola çevirə bilmirdik. Məhz bu amil bizim çatışmayan cəhətimizdir. Bütün bunlara baxmayaraq yenədə məğlub olmamışıq. Matçı bir xalla bitirdik. Əslində qalib olmalı idik. Heyf ki, iki xal itirən tərəf biz olduq.

Tural sənin oyununu biz jurnalistlər çox bəyəndik. Həqiqətən də, bir neçə turlardı ki, çox yaxşı təsir bağışlayırsan. Matç zamanı gözəl ötürmələr, yüksək texnika nümaiş etdirirdin. Həm müdafiədə, həm də, hücum zamanı çox təhlükəli idin. Bəs sən necə, öz oyunundan razı qaldınmı?

Əlbəttə ki, oyundan –oyunna daha yaxşı çıxışlar edirəm. “Turan Tovuz”la oyunda da, real qol ötürmələrim oldu. Qapıya qarşı zərbələr edirdim. Bundan başqa, həm müdafiədə, həm də, hücum zamanı effektli olmağa çalışırdım. Məncə də, çox yaxşı alındı. Çalışıram ki, həm komandama faydalı olum. Həm də, bir kapitan kimi komandanı arxamca aparım. Hər bir şəraitdə komandama dəsətək olub. Bir qol vuruv qalib gəlsəydik, qəhraman olacaqdıq. İlk dəqiqələrdə qol vursaydıq, nəticə də.başqa cür olardı.

Qarşıda “Sumqayıt”la kubok oyununuz var. Rəqib komandanın durumundan xəbəriniz var. Lakin bu kubok oyunu bir turdan ibarətdir. Sən bu komandada oynamısan. Baş məşqçi Samir Abbasovu da, yaxşı tanıyırsan. Bu oyun haqda fikirlərin?

Bu komandanı və baş məşqçini yaxşı tanıyıram. “Sumqayıt”da baş məşqçi olan zaman Samir Abbasovun rəhbərliyi altında çıxış etmişəm. Yəni rəqib komandanı yaxşı tanıyıram. Ona görə də, bilirəm ki, rahatlaşmaq olmaz. Çox maraqlı və çətin oyun olacaq. Bir turdan ibarət matçı evdə qazanmaq istəyirik. İstəyirik ki, “Turan “ovuz”la oyunu “Sumqayıt” qələbəsi ilə unutduraq.

Əli HƏYATİ