"Keşlə" klubunun təcrübəli futbolçusu Tural Axundovun Futbolmedia.Az saytına müsahibəsi.

Tural səfərdən gözlənilərinin əksinə xalla qayıtmağı bacardınız. “Qəbələ” ilə oyunda pis təsir bağışlamadınız. Azlıqda qalmasaydınız bəlkə də, 3 xalla qayıda bilərdiniz. Səndə bu fikirlə razısan?

Hər oyuna qələbə üçün çıxırıq. Qəbələdəki oyunda ilk yarını çox yaxşı keçirdik. Birinci yarıdakı oyunumuz, real qol imkanlarımız əla oldu. İkinci hissəni belə yaxşı təsir bağışladıq. Sadəcə, ilk dəqiqələrdə, başlayan kimi qapımızda qol gördük. Bundan başqa qırmızı vərəqə almağımız matçın nəticəsinə təsirsiz ötüşmədi. İlk dəqiqələrdə qol buraxmasaydıq, hesabı qoruyub saxlaya bilərdik. Hətta rəqib qapısına qarşı əlavə qollar da, vura bilərdik.

Qarşılaşmada kifayyət qədər real qol vəziyyətləriniz oldu. Qələbə qazana bilməməyinizin səbəbini bu fürsətdən yararlana bilməməyinizi göstərmək olarmı?

Bizim hər oyunumuzda 4-5 real qol imkanlarımız olur.”Qəbələ” ilə oyunda da, eyni vəziyyət oldu. İlk yarıda daha çox qol imkanlarımızı boşa verdik. Bu şansların heç olmasa 2-dən yararlana bilsək, hesabda ütün olaraq qələbə qazanmaq olardı. Lakin bu futboldur. Belə şeylər çox olur. Düşünürəm ki, qələbə qazana bilməməyimizin əsas səbəblərindən birincisi budur.



Komandanıza oyun zamanı hakim tərəfindən böyük haqsızlıq oldu. Futbol adına ləkə gətirən qırmızı vərəqə göstərildi. Səncə, hakimin bu addımını haqlı adlandırmaq olarmı?

Əslində hakimlik haqqında çox şey demək istəmirəm. Əslində hər şey göz önündə idi. Futbolçu topu əlinə götürürsə, heç nə demirsə, sonradan qayda pozuntusu kimi qeydə almaq doğru deyil. Biz görmüşük ki, qayda pozuntusu olan zaman futbolçu yıxılan kimi hakim oyunu saxlayır. Lakin bu dəfə tam başqa şeylər oldu.

Əli HƏYATİ