Ülvi Premyer Liqanın 19-cu turunda evdə güclü rəqiblərinizən olan “Zirə”ni qəbul etdiniz. Hava şəraiti və məlum səbəblər oldu. Bir sözlə, evdə çətin keçən oyunda bir xal qazandınız. Matç haqda fikirlərin?

Düzü, çox çətin oyunlardan biri oldu. Belə ki, hava şəraiti də, yaxşı oyun olmasına çox imkan vermədi. Güclü qar ikinci hissədə istədiyimiz kimi oyun sərgiləməyimizə imkan vermədi. İlk yarıda qar güclü yağmırdı. Buna görə də,üstün oyun sərgilədik. Hər halda bir xal qazandıq deyə bilərəm. Oyunda çoxlu sayda real qol imkanları oldu. Hər iki komandanın real qol vəziyyətləri oldu. İki komanda da, yaxşı oyun sərgilədi. Məncə, nəticə ədalətli oldu. Əlbəttə ki, qələbə qazanmağımız daha yaxşı olardı.

Bəs qəlbə qazana bilməməyinizə səncə nə çatmadı. Yəni əsas səbəb kimi nəyi deyədin?

Oyunda yaxşıreal qol imkanlarımız oldu. Həm oyunun birinci günü, həm ikinci günü yarımçıq qalan dəqiqələrdə belə yaxşı imkanlarımız oldu. Birində toplar dirəkdən qayıtdı. Belə qənaətə gəlmək olar ki, qələbə üçün bəxtimiz gətirmədi. Bir qədər bəxt amili öz sözünü dedi.

Qarşıdakı oyun son ölkə çempionu “Neftçi”yə qarşı olacaq. Hazırlıqlar və baş tutacaq qarşılaşma haqda nə düşnürsən?

Mən deyərdim ki, “Neftçi” ilə oyunumuz çox çətin keçəcək. Oyuna bir neçə gün qalıb. Komandamız var gücü ilə hazırlaşır. Hər birimiz 3 xalın hazırda komandamız üçün çox önəmli olduğunu yaxşı bilirik. Hazırda turnir cədvəlində elə bir sıxlıq yaranıb ki, qələbə qazanan komanda dərhal pillədə irəliləyir. Buna görə də, qələbə qazanmaqdan başqa yolumuz yoxdur. Onsuz da, bütün oyunlara 3 xal üçün çıxırıq.

Ülvi bu mövsüm pis təsir bağşlamırsan. Daha yaxşı formada olduğun vurduğun qollardan da, görünür. Öz oyunundan razı qalmısanmı. Yoxsa, potensialını bundan da, üstün görürsən?

Mən deyərdim ki, bundann da, yaxşı oyunlar sərgiləmək potensiala malikəm. Əlbəttə ki, bu il özümü yaxşı tərəfdən göstərməyi baracıram. Lakin bilirəm ki, bundan da, yaxşı alına bilər. Fərqi yoxdur ki, 5 dəqiqə meydanda oldum. Və ya, əsas heyətdə oynadım. Əsas məsələ komandamızın uğur qazanmasıdır.

Əli HƏYATİ