"Kəpəz" klubunun kapitanı Tural Axundovun Futbolmedia.Az saytına müsahibəsi.

Tural Qəbələ səfərindən “Kəpəz”in məğlubiyyətini təxmin edənlərin sayı çox idi. Lakin bu təxminləri alt-üst etdiniz. Səfərdə qələbəyə layiq heç –heçə etdiniz. Kamandanın kapitanı olaraq belə oyun, belə nəticə gözləyirdinimi?

Ola bilər belə təxminlər olsun. Lakin biz Qəbələ səfərinə qalibiyyət üçün getmişdik. Çünki bundan başqa çıxış yolumuz yox idi. Ən azı xal gətirmək istəyirdik. Oyuna gəlincə isə komanda şəklində gözəl oynadıq. Bunu hətta “Neftçi” ilə məğlub olduğumuz oyunda belə etdik. İstər özümüzdə top saxlamaq olsun, istər sürətli hücumlar. Yəni bir xal da, bizim üçün yaxşı nəticədir. Lakin qələbə üçün getmişdik. Uşaqlarla danışıb söhbət etmişdik. Hər kəs bir ağızla səfərdən yaxşı nəticə ilə dönəcəyini demişdi. Belə də, oldu. Lakin biz qələbəyə layiq oynadıq. Rəqib komandanın yüz faizlik real qol imkanları cəmi iki dəfə oldu. Lakin bizim isə oyun ərzində 4-5 real qol imkanımız oldu. Sadəcə, dəyərləndirə bilmədik.

Yeni baş məşqçi Tərlan Əhmədovun rəhbərliyi altında yenidən iki turdu ki, kapitan olaraq meydana çıxırsan. Oyun zamanı həm irəli, həm də, geri hərəkət edirsən. Daim komandana həm hücumda, həm də, müdafiədə yardımçı olursan. Heç də, gənc futbolçulardan geri qalmırsan.Öz oyunundan necə razı qalmısan?

Buna görə, mənə etimad göstərdiyi üçün baş məşqçiyə Tərlan müəllimə öz təşəkkürümü bildirirəm. Mənə gəlincə isə pis təsir bağışlamıram. Çalışıram ki, hər oyunda stabil oynayım. Yəni özünüz də, görürsünüz ki, bütün gücümlə komandama kömək etmək istəyirəm. Belə oyunlarda təcrübəli futbolçulara, kapitana çox ehtiyyac olur. Yeni baş məşqçi, yeni sistem var. Buna komanda öyrəşməyi üçün mütləq zamana ehtiyyac var. İnanıram ki, hər şey daha yaxşı lacaq.

Növbəti rəqibiniz dişinizə görə olan “Səbail” komandasıdır. Bu oyunda qələbə şanslarınızı necə dəyərləndirirsən?

Bu oyunu möhtəşəm Gəncə azarkeşləri önündə oynayırıq. Bizim üçün bunun əhəmiyyəti çox böyükdür. Bu oyunda mütləq qələbə qazanmalıyıq. Çünki bizi minlərlə Gəncə azarkeşləri dəstəkləyəcək. Biz qalib gəlib bütün Gəncə azarkeşlərini sevindirməliyik. Biz futbolu ilk növbədə azarkeşlər üçün oynamalıyıq. “Qəbələ” ilə oyunda Gəncədən xeyli azarkeş gəlmişdi. Bizi bu soyuq havada durmadan dəstəkləyirdilər. Buna görə onlara bir kapitan kimi minnətdarlığımı bildirirəm. İnanıram ki, “Səbail”lə oyunda qalib gələn tərəf biz olarıq.

Əli HƏYATİ