"Keşlə" klubunun utbolçusu Tural Axundovun Futbolmedia.Az saytına müsahibəsi.

Tural Premyer Liqanın 14-cü turunda səfərdə “Sumqayıt” üzərində möhtəşəm qələbə qazandınız. Bu qələbə haqda fikirlərin?

Qış fasiləsin yollanırıq. Bu ilin axrıncı oyunu olduğu üçün qələbə ilə başa vurmaq istəyirdik. Belə olan təqdirdə turnir cədvəlində də, mövqeyimiz yaxşı olacaqdı. Bundan başqa hazırki mövqeyə layiq deyildik. Komanda olaraq,əlimizdən gələni etdik. Şükürlər olsun ki, qələbəni qazanan tərəf biz olduq.

Hesabın belə olacağını təxmin etmişdiniz. Yoxasa bir qol oyunun taleyini həll edəcək prinsipi ilə düşünürdünüz?

Açığını deyim ki, hesabın belə olacağını düşünməmişdik. Əgər hər oyunda real qol vəziyyətlərini belə istifadə etsəydik, indi daha yuxarı pillələrdə qərarlaşardıq. Müəyyən oyunlarda bəxtimiz gətirmirdi. Ümumilikdə qələbə haqqında düşünürdük. Nə olursa olsun, qalib gəlməliydik. Şükürlər olsun ki, belədə oldu.

Tural meydana sonradan daxil oldun. Lakin çox yaxşı təsir bağışladın. Öz mövqeyində çox əla oyun nümaiş etdirdin. Bəs sən öz oyunundan razı qaldınmı?

Mən oyun zamanı komandanın oyunu ilə sintez etməyə çalışıram. Həm hücum zamanı, həm də, müdafiəolunan zaman. Mən həm orta xəttdə, həm də, arxa xəttə inamlı oyun sərgiləməyi bacarıram. Bu da mənim təcrübəmdən irəli gəlir. Düşünürəm ki, həm mən, həm də, komanda əla oynadıq. Bundan da, yaxşı oynamaq potensialına malik futbolçuyam.

Tural fasilədən sonra daha güclü, daha əzimkar “Keşlə” görə biləcəyikmi necə düşünürsən?

Yəqin ki, komanda daha güclənmək üçün yeni transferlər həyata keçirəcək. Buna düzünü desəm mən qarışa bilmərəm. Bu birbaşa rəhbərliyin, baş məşqçinin işidir. Komandadan gedənlərdə var. Yəqin ki, komandanı gücləndirmək üçün gələnlər də olacaq. İnşəAllah inanıram ki, fasilədən sonra daha güclü “Keşlə” görəcəksiniz.

Tural sən necə gələcək planlarını “Keşlə” ilə düşünürsən. Yoxsa, təkliflərin artıq var?

Hazırda gələn ilin may ayına kimi “Keşlə”yə məxsus futbolçuyam. İndi baxacağıq görək qarşıda necə olur. Təkliflər gələrsə, fikirləşib dəyərləndirmək olar. Bu barədə hələ baş məşqçi ilə söhbətimiz olmayıb. Görək necə məsləhət olacaq.

Əli HƏYATİ