Tural Premyer Liqanın ilk turunda güclü “Zirə”yə qarşı oynadınız. Bol qollu bir qarşılaşma oldu. Kamandanın kapitanı olaraq bu oyun və nəticə haqda nə deyərdin?

Azərbaycan Premyer Liqasının ilk turu olduğunu nəzərə alsaq pis başlamadıq. Rəqib komanda da, güclüdür. Oyuna gəlincə isə matçı bəlkə də, qələbə ilə başa vura bilərdik. Çünki oyun boyu bir neçə real qol imkanlarımız oldu. Onları dəyərləndirə bilsəydik, məncə meydanı ən azından məğlub tərk etməyəcəkdik. Əslində məğlubiyyətə layiq deyildik.Lakin ilk tur, yeni komandanı nəzərə alsaq, pis oynamadıq. Baş məşqçimiz də, razı qaldı. İnanıram ki, gündən-günə, oyundan – oyuna, artıracağıq.

Tural öz oyununla bağlı nələr deyərdin.Yenidən Gəncə təmsilçisində forma qeyindin. Fikrimcə, öz mövqeyində çox yaxşı təsir bağışladın. Rəqibin futbolçularına aman vermirdin. Bu yaşında çox gənc futbolçulardan üstün oyun sərgiləyirsən. Bəs sən necə öz oyunundan razı qaldınmı?

Düşünürəm ki, oyundan –oyuna daha yaxşı təsir bağışlayacam. Əlimdən gələni edəcəm ki, komandama maksimum xeyrim dəysin. Bir kapitan kimi üzərmidə böyük bir məhsulliyət var. Düşünürəm ki, pis təsir bağışlamadım. Lakin potensialım bundan da, yaxşısına imakan verir. Düşünürəm ki, növbəti oyunlarda daha yaxşı təsir bağışlayacam. Ən əsası isə komandanın qələbəsi və uğur qazanmasıdır.

Səncə qələbə qazanmaq üçün və ya, meydandan xalla ayrıla bilməyiniz üçün nə çatmadı?

Deməzdim ki, fiziki güc baxımından çatdırmadıq. Əksinə sona qədər döyüşdük. Buna gücümüz də, çatdı. Sonuncu dəqiqədə qapımıza girən qola bəxtsizlik deyərdim. Bundan başqa ”Zirə”nin heyəti artıq oturuşmuş komandadır. Futbolçuları bir –birlərinə yaxşı öyrəşiblər. Bizim isə ilk rəsmi oyunumuz idi. Düşünürəm ki, zaman lazım olacaq. Bir neçə turdan sonra komandamız və futbolçular bir –birini yaxşı başa düşəcək.

Bş məşqçi Yaşar Vahabzadə oyundan sonra komandasından, futbolçulardan razı qaldığını bildirdi. Yəni ilk oyun üçün pis oyun sərgiləmədiyinizi bildirib?

Böyük əminliklə deyə bilərəm ki, Yaşar müəllim çox yaxşı komanda qurub. Həm yerli, həm də, legionerlədən ibarət. Bilirsiniz, baş məqçi də, bizim özümüz də, elə sizlərdə bilirsiniz ki, yeni qurulmuş komandaya mütləq zaman lazımdır. Axı yeni gələn legionerlərin odoptasiyası üçün bütün dünyada vaxt verilir. Eləcə də, yerli futbolçuların bir –birini anlaması, xətlər –arası əlaqələr yerinə düşməlidir. Buna dünyanın ən güclü klublarında belə vaxta ehtiyyac olur. Düşünürəm ki, bir neçə turdan sonra işlər yerinə düşəcək. Yaşar müəllim həm yaxşı baş məşqçi, həm də, yaxşı psixoloqdu. Komandanı çox yüksək səviyyədə motivatsiya etməyi bacarır. Uşaqlarda özünə inam yaradır. Biz Yaşar müəllimin komandası olaraq, “Kəpəz” klubu olaraq hələ çox komandalara baş ağrısı ola biləcəyik.

Əli HƏYATİ