"Kəpəz" klubunun təcrübəli futbolçusu Tural Axundovun Futbolmedia.az saytına müsahibəsi.

Tural Azərbaycan Premyer Liqasının 9 –cu turunda səfərdə “Sabah”a böyük hesabla məğlub oldunuz. Rəqibin çox güclü olduğunu bilirik. Hətta “Qarabağ” kimi çox güclü komandaya 4 qol vurmağı bacaran komandadır. Bu məğlubiyyəti şok, fiasko adlandırmaq olmaz. Lakin belə darmadağını gözləyirdinizmi?

Bu məğlubiyyəti faciə adlandırmaq olmaz. Əvvəla “Sabah”ın gücü, heyətindəki səviyyəli legionerlər çoxdur. Bundan başqa, Azərbaycan millisinin üzvləri, səviyyəli yerli futbolçular top qovur. Özünüz gördünüz ki, “Qarabağ” kimi komandaya 4 qol vurdu. Hətta məğlubiyyətə layiq deyildilər. Çempionatda da, bütün rəqiblərlə oyunda bir baş üstün oynayırlar. Turnir cədvəlində ikinci pillədə qərarlaşıblar. Onların bir futbolçusu Con Mikelsin dəyəri, qiyməti “Kəpəz”in yarı futbolçularının qiyməti qədərdi. Bütün bunları unutmaq olmaz. “Kəpəz” isə yeni və daha çox gənc futbolçulardan təşkil olunuan komandadır. Rəqibin isə oturuşmuş heyəti var. Zamanla bizim də, komandamız oturuşacaq. Hər şey qaydasına düşəcək. İstəyirdik ki, ən pis halda meydanı məğlub tərk etməyək. Çox təəssüflər alınmadı. Tərlan Əhmnədova və komandamıza inanırırq. Belə güclü rəqiblə böyük hesabla məğlubiyyəti fiasko, faciə adlandırmaq düzgün olmaz. Futbolda belə gözlənilməz, və ya gözlənilən nəticələr çox olur. Mən sizə deyim ki, “Kəpəz” matçın ilk 15-20 dəqiqəsini əla futbol oynadı. Hətta rəqibi əməlli başlı qapılarına doğru sıxmışdıq. Lakin qoldan sora hər şey alt-üst oldu. Lakin başımızı dik tutmalıyıq.

Səncə oyunun qırılma nöqtəsi harda oldu ki, belə böyük hesabla uduzdunuz?

Bizim komandada nə xasiyyətdir anlamıram. Qoldan sonra çox ruhdan düşürük. Bilmirəm psixoloji travma qalıb nədir. Lakin bu auradan hələ çıxa bilməmişik. Qol buraxan kimi komandada çöküş olur. Lakin inanıram ki, həm baş məşqçi, həm də, komanda ilə birlikdə bu çətinliyə də, güc gələcəyik. Blirsiniz, heyətimizdə gənc və təcrübəsiz futbolçular çoxdur. Ona görə də, belə hallar ola bilir. Lakin zamanla bu problem də, aradan qalxacaq.

“Sabah”la oyunda sonradan meydana çıxdın. Lakin belə güclü rəqiblə oyunda demək olar ki, səhvsiz oynadın. Bildiyimiə görə, belə güclü rəqiblərlə oyunda baş məşqçilər daha çox təcrübəli futbolçulara güvənirlər. Ola bilər ki, bu məğlubiyyətdən sonra baş məşçiniz gələn turlar daha çox təcrübəli futbolçulara üstünlük versin. Lakin bu dəfə belə olmadı. Sənin əsas heyətdə oynamağında nə problem var ki?

Heç bir problemim yoxdur. Öz üzərimdə necə lzımdırsa çalışıram. Bu baş məşqçimizin qərarıdır. Tərlan müəllimin qərarına hörmətlə yanaşıram. Mən hər zaman bütün oyunlara ahzıram. İstənilən vaxtı baş məşqçi məni meydana buraxa bilər. Məşqlərimi də, bəlkə də, digər futbolçulardan daha yaxşı, daha çox edirəm. Mən məhsuliyyətli insan, məhsliyyətli futbolçuyam. Daim idman formamı yüksəkdə saxlayıram. Əslində mən də, gözləyirdim ki, oynayacam. Lakin son anda dəyişikliklər ola bildi. İnanıram ki, növbəti turlarda əsas heyətdə yer alacam. Komandama kömək etmək üçün alışıb –yanıram. Çox istəyirəm ki, komandama faydam dəysin. Bizi uzun bir marafon gözləyir. Hələ əsas heyətdə də, çox oyunlarımın olacağını düşünürəm.

Gələn tur daha bir güclü, çempionluğa iddialı “Neftçi”yə qarşı oynayacaqsınız. Lakin “Kəpəz”in bir üstünlüyü olacaq ki, Gəncədə doğma azarkeşlər qarşısında mübarizə aparacaqsınız. Həm bu oyunla bağlı şanslarınız, həm də nəhayyət Gəncədə baş tutacaq oyunla bağlı fikirlərini bilmək istərdim?

İlk öncə, deyim ki, Gəncə əhalisini, Gəncə azarkeşlərini təbrik edirəm. Nəhayyət ki, doğma azarkeşlərimizin önündə mübarizə aparacağıq. Düşünürəm ki, çox möhtəşəm bir otmasfer olacaq. Oyuna gəlincə isə “Neftçi” çox güclü rəqibdir. Onların da, çox yaxşı futbolçuları var. Çempionluq uğrunda mübarizə aparan komandadır. Lakin “Neftçi” ilə hər zaman “Kəpəz” qarşılaşması bir prinsipial oyun olub. İnanıram ki, bu oyunda, azarkeşlərimizin dəstəyi ilə yaxşı nəticə qazanacağıq.

Əli HƏYATİ