"Sumqayıt" klubunun qapıçısı Aydın Bayramovun Futbolmedia.Az saytına müsahibəsi.

Aydın Premyer Liqanın 17-ci turunda evdə güclü rəqiblərdən olan “Qəbələ” komandası ilə qarşılaşdınız. Bu matçda böyük hesabla məğlub oldunuz. Lakin real qol vəziyyətləriniz də az olmadı. Matç haqda fikirlərin?

Bilirdik ki, bizi çətin qarşılaşma gözləyir. Rəqib komandanın gücü, bu mövsümkü yüksəlişi də, göz önündədir. Bilirsiniz, belə oyunlar olur. Futbolda belə oyunlar, nəticələr qaçılmaz olur. Bizdə ilk dəqiqələrdən erkən qol buraxdıq. Bu amil də, oyunun nəticəsinə mütləq təsir edir. Real qol vəziyyətlərini dəyərləndirə bilsəydik, nəticə başqa cür ola bilərdi. Təssüfflər olsun ki, biz vura bilmədik. Rəqib komanda isə şanslarını maksimum dəyərləndirdi. Mən deyərdim ki. biraz da, bəxt amili sözünü dedi.

Bəs buraxılan qollarda özünü nə dərəcədə günahkar bilirsən?

Oyundan sonra çıxışımı analiz etmişəm. Mən ən çox buraxdığım ikinci topa daha çox pis oldum. Yəni burada top mənim əlimə dəydi. Sadəcə, zərbə qüvvətli və dəqiq oldu. Hətta zərbə dəqiq və qüvvətli olduğu üçün sonda drrəyə dəyərək qapıdan keçdi. Fikirləşirəm ki, bu topu çıxarsaydım, bəlkə də, nəticə başqa cür ola bilərdi. Lakin futbolda belə şeylər olur. Heç bir qapıçı belə qollardan sığortalanmayıb. Səhvsiz oyun və səhvsiz qapıçı yoxdur. Lakin mən demirəm ki, buraxdığım ikinci qol sırf mənim səhvimdir. Topa reaksiya verə bildim. Sadəcə, zərbə dəqiq və çox gözlənilməz olmuşdu. Ümumilikdə, komandamız məğlub olursa, məndə günahkar sayılıram. Bütün komanda bu məhsuliyyəti daşıyır.

Növbəti oyununuz güclü “Zirə” komandasına qarşı olacaq. Bu oyunda şanslarınızı necə dəyərləndirirsən?

Mən deyərdim ki, bizi çox çətin oyun gözləyir. Ümumiyyətlə, çempionatımızda asan oyun yoxdur. Hazırda komandamız 2qara zolağ”a düşüb. Necə vaxtır ki, qələbə qazana bilmirik. “Zirə” ilə oyunda qazandığımız qələbə, və ya, xal ən azından “Qəbələ” ilə matçdakı uğursuz oyunu unutdurar. Bundan başqa bir qələbə qazansaq, 2qara zolağ”dan çıxardıq. Ən azından komandada ruh yüksəkliyi yüksək olar. İnanıram ki, Zirə” ilə yaxşı nəticə qazanarıq.

Əli HƏYATİ