"Turan Tovuz" klubunun aparıcı futbolçusu Tərlan Quliyevin Futbolmedia.Az saytına müsahibəsi.

Tərlan Premyer Liqanın 8-ci turunda doğma meydanda, Tovuzda “Zirə”ni qəbul etdiniz. Möhtəşəm oyun oldu. Maraqlı və bol qarşılaşmada məğlub oldunuz. Lakin çox yaxşı oyun sərgilədiniz. Sona qədər döyüşkən bir oyun nümaiş etdirdiniz. Nəticənin belə olacağını gözləyirdinizmi?

Çox maraqlı oyun keçdi. Sona qədər başa –baş mübarizə getdi. Düzünü deyim ki, nəticənin belə olacağını gözləmirdik. Çox ciddi hazırlaşmışdıq. Bilirdik ki, “Zirə” Tovuza yalnız qələbə arxasınca gəlib. Çünki öncəki turda “Qarabağ”a böyük hesabla məğlub olublar. Ən azından həmin pis nəticəni unutdurmaq üçün Tovuzdan xalla qayıtmaq istəyəcəklərini bilirdik. Lakin bizim də, 3 xala hava-su kimi lazım idi. Matçın ilk dəqiqələri bizim nəzarətimiz altında keçirdi. Hətta istədiyimiz qolu da vurduq. Sadəcə, fərdi səhvlərdən buraxdığımız gözlənilməz qollarla məğlub olduq.

Demək ki, adi və gözlənilməz səhvlərdən xal itirdiniz. Keçən oyunda da, belə səhvlər ldu. Səncə, səbəbi nədir?

Bəli. Gözlənilməz səhvlərə görə xaldan olduq. Keçən oyunda da, müəyyən səhvlər edik. Lakin bu artıq bir həyacan siqnalıdır. Ona görə də, komanda olaraq çox diqqətli olmalıyıq. “Zirə”, “Qarabağ”, “Sabah” belə səhvləri bağışlayan komandalar deyil. “Zirə”nin heyətində kifayyət qədər güclü həm legioner, həm də,yerli futbolçular top qovur. Belə səhvlərdən maksimum yararlanmağı bacaran futbolçular var. Buna görə də, çox diqqətli olmalıyıq. Bu səhvlərimizin üzərində işləməli,gələn turdakı oyunlar üçün nəticələr çıxarmalıyıq.

Qarşıdakı turda daha güclü rəqiblərdən olan “Neftçi”yə qarşı oynayacaqsınız. Rəqib komanda belə deyək ki, itirilmiş xalları sizinlə oyunda bərpa etmək istəyəcək. Sizin də, komanda artıq neçə turdu ki, məğlub olur. “Turan Tovuz”a da, 3 xal mütləq və vacibdir. “Neftçi” ilə oyunu bir ölüm –dirim savaşı adlandırmaq olarmı?

Rəqib komandanın gücühər kəsə bəllidir. Komandamız bütün oyunlara maksimum nəticə üçün meydana çıxır. Hər oyun üçün sona qədər savaşırıq. Rəqib komandanın heyətində yaxşı futbolçular var. “Neftçi” ilə oyunda nəyin bahasına olursa-olsun xal qazanmağa çalışacağıq. Düzdü, çox çətin olacaq. Lakin bizim də, başqa yolumuz yoxdur. Neçə turdu ki, məğlub oluruq. Turnir cədvəlində xal fərqimizi yüksəlməli, ən azı xal fərqini qorumalıyıq. Ən azından əsl mübarizə nümaiş etdirməliyik. Çox çətin olacaq.

Bəs bir xalı qazana bilsəniz, qələbəyə bərabər hesab edilə bilərmi. Yoxsa?

“Neftçi” kimi güclü rəqiblə oyunda bir xal belə qələbəyə layiqdir. Düzdü, qələbə qazanmaq istəyəcəyik. Lakinən azından bu oyunda meydanı xalla tərk etmək istərdik. Yenə deyirəm ki, çətin olacaq. Bizim xala ehtiyyacımız var. Xal ehtiyyatımızı artırmalıyıq. İki məğlubiyyət biziz ruhdan salmamalıdır. Rəhbərlik də, bilir ki, yeni yığılmış komandayıq. Qarşımıza çempionluq, avrokuboka yüksəlmək kimi məqsəd qoyulmayıb. Buna görə də, ruhdan düşməməliyik. Daha da, səbirli, təmkinli, və döyüşkən oyun nümaiş etdirməliyik.

Əli HƏYATİ