"Səbail" klubunun futbolçusu Ədilxan Qaraəhmədovun Futbolmedia.Az saytına müsahibəsi.

Ədilxan Premyer Liqanın növbəti turunda doğma meydanda “Sabah”la qarşılaşdınız. Maraqlı keçən oyunda məğlub oldunuz. Matç haqda təsüratların?

Qarşılaşmaya çox yaxşı hazırlaşmışdıq. Baş məşqçi və komanda ilə birlikdə rəqibin oyununu analiz etmişdik. Onlarn zəif və üstün yerlərini müəyyən etmişdik. Lakin rəqib komandanın “Qarabağ”la sonuncu oyununa da, baxmışdıq. Çox yaxşı təsir bağışlamışdılar. Buna görə də, bizim üçün çətin olacağını bilirdik. Oyunun ilk dəqiqələri heç də, bizim üçün yaxşı olmadı. Qapımıza qarşı erkən dəqiqələrdə penalti təyin edildi. Rəqib fərqlənə bilmədi. Lakin bundan sonra qapımız qarşısında təzyiq daha da, artdı. İlk yarıda iki top buraxıb uduzduq.

Məğlub olmağınızın əsas səbəbi kimi nəyi göstərərdin. Yəni ilk hissədə buraxdığınız erkən qol. Yoxsa?

İlk olaraq, erkən qol buraxdıq. Yəni ilk yarıda iki top fərqi ilə məğlub olduq. Bundan sonra toparlanmaq mümkün olmadı. Hücumlarımız da, istədiyimiz kimi alınmadı. Düzdü, real qol imkanlarımız az olmadı. Sadəcə, bunlardan maksimum yararlana bilmədik. Düşünürəm ki, rəqib komandanın güclü hücumu qarşısında, təzyiqə tab gətirə bilmədik.

“Sabah”la oyunda əsas heyətdə yer almışdın. Çoxdandır ki, əsas heyətdə yer almırdın. Lakin məbuat sənin əsas heyətdə oynamağını vurğulamışdı.Çünki millinin əsas üzvü olaraq daha çox meydanda olmalısan. Daim mətbuatda gündəmdə olmağın, müsahibələrində əsas heyətə hazır olduğunu deyirdin. Baş məşqçi də, səni meydana buraxdı. Öz oyunundan razı qaldınmı?

İlk öncə, mətbuata öz təşəkkürümü bildirirəm. Daima məni bir millinin oyunçusu olaraq dəstəklədiniz.xüsusən də, sizlərə minnətdaram. Mən daima öz üzərimdə çalışıram. Heç zaman ruhdan düşmürdüm. Əlbəttə ki, millinin üzvü olmaq mənə daha da, güc verir. Baş məşqçimiz Aftandil müəllimə də, öz təşəkkürümü bildirirəm. Mənə bu dəfə şans verdi.Əlimdən gələni etməyə çalışdım. Lakin onu da, nəzərə almaq lazımdır ki, xeyli müddətdir ki, əsas heyətdən uzaq idim. Hardasa, oyun praktikasından əziyyət çəkirdim. Buna rəğmən pis təsir bağışlamadım. Sadəcə, rəqib komanda çox güclü idi. Bizi hər mövqedə üstələdi. Öz üzərmdə daima çalışıb, əsas heyətdə olmağa çalışacam.


Qarşıda “Qarabağ”la çətin oyununuz var. Çoxları deyir ki, “Qarabağ” artıq çempion olduğu üçün oyunlara ciddi yanaşmaya bilər. Bəs sən necə düşünürsən. Ümumiyyətlə, bu oyunla bağlı nə deyərdin. Xal götürmək şanslarınızı necə dəyərləndirərdin?

Hər kəs “Qarabağ”ın gücünə bələddir. Mən inanmıram ki, vaxtından əvvəl “Qarabağ”ın çempion olması oyunlarına təsir etsin. Onlar bir peşəkar komandadır. Buna görə meydanda var güclərini qoyacaqlar. Lakin biz bu komandadan xal almağı, üzərində qalib gəlməyi bacaran komandayıq. İnanıram ki, həmin sensasiyanı yenə təkarar edə bilərik. Hətta qazanılan bir xal belə bizim üçün uğur olacaq.

Əli HƏYATİ