“Tovuzun “Turan” komandasını seçdim. Artıq rəsmən müqavilə imzaladım. Razılığımın ilk mərhələsi komandanın başında Ayhan Abbasov kimi təcrübəli və yaxşı məşqçi olması durur. Düzdü, Ayhan müəllimin rəhbərliyi altında futbol oynamamışam. Lakin onun necə bir insan, necə bir yaxşı məşqçi olduğunu yaxşı bilirəm. Yəni tanıyıram. Çünki Ayhan müəllim “Sumqayıt”da işləyən zaman da, yaxşı nəticəyə imza atıb. Premyer Liqa təcrübəsi kifayyət qədərdi. İkinci tərəfdən razılığım Tovuz futboluna olan hörmətimdir. Bilirsiniz ki, Tovuz futbolu köklü və ən-ənəsi olan bir futbol bölgəsidir. Həm Gəncə, həm də, Tovuzda güclü futbolçular yetişib. Bundan başqa Tovuz azarkeşləri çox möhtəşəmdir. Futbolu çox sevən bir bölgədir. “Turan” klubunun uğur qazanması üçün meydanda əlimdən gələni edəcəm.”

Bu sözləri Futbolmedia.Az saytına açıqlamasında “Turan” klubunun yeni transferi Tərlan Quliyev deyib. Digər iddialı klublardan gələn təklifləri niyə dəyərləndirməməsinə də, toxunan futbolçu bunları söylədi.

”Xəbərimiz vardı ki, yaxınlarda legionet limiti məsələsində dəyişikliklər olacaq. Yəni(7+4) fikirləşdiyimiz kimi oldu. Bundan sonra yerli futbolçuların əsas heyətdə oynaması, onlara olan təlabat azalacaq. Bu istər-istəməz belə olacaq. Əsas heyət uğrunda güclü rəqabət gedəcək. Mən Tovuz və Gəncə futbolunu sevən adamam. Özüm də, Gəncə klubunda “Kəpəz”də oynamışam. Bu birinci razılığımın səbəbidir. Digər tərəfdən “Turan”da əsas heyətdə oynama, özümü daha yaxşı tərəfdən göstərmək şansı qazanacam. Ən əsas məqsədlərimdən biri də, yenidən milli komandanın heyətinə düşməkdir. Bir sözlə, karyeramda daha irəli getmək istəyirəm.”