“Keşlə” klubunun futbolçusuTuran Vəlizadənin Futbolmedia.az saytına müsahibəsi.

Turan Ilk oyunda Premyer Liqanın ikinci turunda səfərdə “Qəbələ”yə məğlub ldunuz. Ümumiyyətlə, oyun haqqında nə deyərdin?

Səfərdə çox çətin oyunumuz oldu. “Qəbələ” komandası doğma meydanda oynayırdı. Həmin oyunda komandamız rəqibin qapısı qarşısında çoxlu sayda qol epizodu yaratdı. Çox təəssüflər olsun ki, bunlardan yalnız birini reallaşdıra bildik. Məğlub olduq. Lakin oyuna görə bunu demək olmazdı. Bir sözlə, komandamız belə yaxşı oyunla məğlubiyyətə layiq deyildi.

İlk turda da, “Sumqayıta”a məğlub olmuşdunuz. Artıq iki turdu “Keşlə” bir xal belə qazana bilmədi. Səncə, komanda hələ tam hazır deyil. Yoxsa?

Düzdü, İki turdu məğlub olmuşuq. Lakin bunu komandanın zəif çıxışı ilə əlaqələndirməzdim. Hər iki oyunda komandamız yaxşı təsir bağışladı. Sadəcə ikinci oyunda bəxtimiz gətirmədi. Düşünürəm ki, komandamız oyundan-oyuna daha yaxşı oyunlar sərgiləyəcək. Çünki yeni komanda yığılıb. İstər-istəməz müəyyən qədər vaxt lazım olur. İnanıram ki, növbəti turlarda qələbələri sıralayacağıq.

İlk turda meydana çıxmasan da, ikinci turda baş məşqçi Sənan Qurbanov sənə əsas heyətdə yer vermişdi. Öz çıxışın haqqında nə deyərdin?

Bəli ilk turda meyda çıxmamışdım. İkinci turda baş məşqçimiz çox sağolsun ki, mənə də, şans verdi. Əlimdən gələni etdim ki,komandama maksimum xeyir verim. İstər –istəməz təcrübədə öz sözünü deyir. Düşünürəm ki, növbəti oyunlara çıxmaq üçün şans qazansam, daha yaxşı təsir bağışlayacam. Növbəti tura əsas heyətə kimin çıxacağına baş məşqçimiz qərar verir. Mənə yenidən ehtimad göstərsə, canla – başla hazıram.

“Qəbələ” ilə oyundan sonra baş məşqçiniz Sənan Qurbnov sənin oyunun haqqında nəs dedi?

Xeyir. Mənə birbaşa əsə demədi. Meydanda bütün komanda oynayır. Qələbə də, məğlubiyyətdə komandanındır. Lakin mənə fərdi söhbəti olmayıb.