"Keşlə" klubunun futbolçusu Pərviz Azadovun Futbolmedia.Az saytına müsahibəsi.

Pərviz ölkə kubokunda “Qarabağ”la oyunda minimal hesabla məğlub oldunuz. Bu oyunda sən də meydana çıxmaq şansı qazandın. Matçla bağlı fikirlərin?

İlk öncə, mənə bu oyunda şans verdiyi üçün Sənan müəllimə təşəkkürümü bildirirəm. Mənə güvəndiyi üçün ona minnətdaram. Məndə çalışdım ki, özümü meydanda yaxşı tərəfdən göstərim. Ən azından komandama köməyim dəysin. Onun güvənini boşa çıxarmaq istəmədim. Oyuna gəlincə isə sona qədər döyüşdük. “Qarabağ” kimi güclü rəqiblə oyunda demək olar ki, başa – baş mübarizə apardıq. Minimal hesabla məğlub olsaq da, təkrar qarşılaşmaya ümüdümüz çoxdur.

Bir çoxları düşünür ki. “Qarabağ”la oyunda mərhələni rəqib komanda keçəcək. Bəs sən necə düşünürsən. Oyunun penaltilər seriyasına qədər uzana biləcəyinə ümüd edirsinizmi?

Əlbəttə ki, rəqib çox güclü komandadır. Lakin ilk oyunda minimal hesablı məğlubiyyət bizə ümüd verir ki, sona qədər döyüşüb, mərhələ adlayaq. Hər şey hələ bitməyib. Komanda əlindən gələni edəcək ki, mərhələ adlasın. Bilirik ki. rəqib komanda topla daha çox oynayır. Onlar hesabı qoruyub-saxlamaq istəyəcək. Çalışmalıyıq ki, erkən qol vurub hesabı qoruya bilək. Belə güclü rəqiblərlə oyunda ruh yüksəkliyi çox olur.

Fasilədən sonra premyer – liqada “Zirə”yə də minimal hesabla məğlub oldunuz. Bu oyunda qalib gəlmək şansınız da, vardı. . Bu oyunda da, sən iştirak etmişdik. Səncə, oyundan xalla ayrılmağınıza nə çatmadı ?

Çətin oyun oldu. Rəqib komandanın hücum mövqeyi güclüdür. Bizim heyətimizdə isə əskiklər vardı. Zədəli və xəstə futbolçular olduğundan tam heyyətlə oynaya bilmədik. Düşünürəm ki,çox erkən dəqiqələrdə azlıqda qalmağımız nəticəyə təsir etdi. Mən özüm də, çox erkən sarı vərəqə aldım. Mənə gəlincə isə oyundan – oyuna səviyyəm qalxır. Yəni oyun praktikam artır. Bilirsiniz ki, bir müddət zədəli oldum. Lakin artıq formamı bərpa edirəm. Baş məşqçi mənə meydana çıxmaq şansı verir. Düşünürəm ki, bir neçə turdan sonra tam formamı bərpa edəcəm.

Necə düşünürsən, növbəti oyunlarda da, əsas heyətdə yer alacaqsan?

Mən öz üzərimdə çox çalışram. Məşqlərimi yüksək səviyyədə edirəm. Bütün bunları baş məşqçimiz də görür. Çalışıram ki, baş məşqçinin etimadını qazanım. İnanıram ki, növbəti oyunlarda da, mənə ehtimad göstərəcəklər. Bütün bunlar baş məşqçimizin səlahiyyətləri çərçivəsindədir. Sənan müəllim məsləhət bilərsə, meydana buraxacaq.

Əli HƏYATİ