"Keşlə" klubunun futbolçusu Rəhman Hacıyevin Futbolmedia.Az saytına müsahibəsi.

Rəhman Premyer Liqanın 17-ci turunda ölkənin ən güclü klubu “Qarabağ”la qarşılaşdınız. Qol olmasa belə maraqlı gərgin bir matç oldu. Demək olar ki, qələbəyə bərabər heç-heçə etdiniz. “Qarabağ”a ağır məğlubiyyətdən sonra belə nəticəni gözləyirdinmi?

İlk öncə, deyim ki, meydana hər bir oyuna qələbə üçün çıxırıq. Əlbəttə ki, “Qarabağ” çox güclü komandadır. Lakin komandamızda uğurlu nəticə qazanacağımıza inam vardı. Çünki biz bunu keçən il etmişik. “Qarabağ”la qollu heç-heçə edərək, bir xal alamağı bacarmışıq. Fkirləşdik ki, niyə də, təkrarlanmasın. Bu inmımız oldu. Oyun zamanı da. Xeyli sayda real qol imkanlarımız oldu. Onları vaxtında dəyərləndirə bilsəydik, bəlkə də, qarşılaşmadan qələbə ilə ayrılardıq. Tək “Qarabağ”la deyil, “Neftçi”ilə oyunda da, kifayyət qədər qol vurmaq imkanlarımız oldu. Çox təəssüflər olsun ki, boşa verdik. Əslində real qol imkanlarımızın çox olması, çox yaxşı amildir. Çünki komandamızın inam, hücum, rəqibdən çəkinmək kimi probleminin olmamasına işarədir.

Səncə bir çox oyunlarda real qol vəziyyətləri nədən boşun gedir. Buna əsas səbəb kimi nəyi göstərərdin?

İlk öncə deyim ki, bəxt amili də var. Yəni həqiqətən də, elə epizodlarımız olur ki, bunu yalnız bəxt amili ilə əlaqələndirmək olar. İkinci bir tərəfdən isə sonluğu gətirə bilmirik. Yəni real qol vəziyyətini uğurlu sonluqla tamamlaya bilmirik. Bax bunun üzərində işləməliyik. Biraz daha diqqətli olmalıyıq.Təkbə -tək epizodlarda çox məhsuliyyətli, diqqətli olmalıyıq.

Bu oyunda mən deyərdim ki, özünü ən yaxşı tərəfdən göstərən futbolçulardan bəlkə də, birincisi sən oldun. “Qarabağ” kimi güclü və öz ölkələrinin milli komandalarında oynayan müdafiəçiləri daim tətikdə saxladın. Matç boyu rəqib komandanın futbolçuları sənin sayəndə gərginlikdə saxlanıldı. Bəs sən öz oyununla bağlı nələr deyə bilərsən. Razı qaldınmı. Yoxsa daha böyük potensiala malik olduğunu düşünürsən?

Öz oyunumdan razı qaldım. Lakin ümumi götürdükdə potensialım bundan da. Artığına imkan verir. Yəni daha yaxşı oyun nümaiş etdirə bilərdim. İnanın hər oyunda əlmidən gələni edirəm ki, daha yaxşı olum. Komandama daha çox köməyim dəysin. Əlimə düşən real qol imkanlarını dəyərləndirməyə çalışıram. Daim rəqib müdafiəçiləri gərginlikdə saxlayıram ki, digər komanda yoldaşlarım fərqlənə qol vura bilsin. Yəni ümumilikdə komanda üçün çox çalışıram. Lakin tək mənimlə iş bitmir. Bunu bütün komanda etməlidir. Komanda yoldaşlarım mənə, mən onlara vaxtında oyun zamanı kömək etməliyik. Elə hallar olur ki, qol vurmaq üçün gözəl mövqedəsən, lakin ötürmə vaxtında veilmir. Və ya, ümumiyyətlə ötürmə ala bilmirsən. Elə olur ki, vaxtında açılmırsan. Eləcə də mən. Bilirsiniz ki, futbol komanda oyunudur. Gərək komanda şəklində də, yaxşı oyun nümaiş etdirək.Lakin inanıram ki, növbəti oyunlarda daha yaxşı performns göstərəcəm. Hətta qol vuracam. Buna əminəm. Çünki qarşıda yaxşı oyunlarımız var.

Onu da nəzərə alaq ki, fasilədən sonra daha “Qarabağ”, “Nefçi” kimi güclü rəqiblərlə daha çox qarşılaşdınız. Qələbə qazana bilməməyinzdə bu amili də əsas göstərmək olarmı? Çünki belə çətin rəaiblərlə oyunda qol vurmaq asan deyil. Növbəti oyunlarda daha dişinizə uyğun rəqiblərlə qarşılaşacaqsınız. Həmin oyunlarda səndən qollar gözləmək olarmı?

Çox düzgün vurğuladınız ki, fasilədən sonra ancaq güclü rəqiblərlə oynadıq. Belə güclü rəqiblərdən xal almaq çox çətin olur. Lakin yenə də, meydanda sonacan vuruşuruq. İnanıram ki, qarşıdakı bir neçə oyunlarda qalibiyyət əldə edə biləcəyik. Buna çox əminəm. Özüm də, bu oyunlarda qol vuracağımı da hiss edirəm. Həm mən, həm də, komandamın uğur qazanacağına inanıram. Əgər “Qarabağ”la “Neftçi” ilə oynadığımız kimi davam etsək, qələbələr gələcək.

Qarşıda “Sabah”la çətin oyununuz var. Bu oyunda qələbə şanslarınızı necə dəyərləndirirsən?

“Sabah” çox yaxşı komandadır. Lakin onuda deyim ki, əvvəlki kimi uğurlu seriyaları yoxdur. Bir qədər düşüş hiss olunur. Bir ara çox yaxşı oyun nümaiş etdirrdilər. Yəni həm anda yüksəliş yaşayırdılar. Lakin onların da hazırda durumu ürəkaçan deyil. Bizdə bu amildən maksimum istifadə etməliyik. Ancaq istənilən halda çox yaxşı komandadır. Heyətlərində kifayyət qədər güclü futbolçular və legionerlər top qovu. “Sabah”la oyunda əlimizə düşüən fürsəti mütləq dəyərləndirməliyik. Biz vura bilməsək, bizə vuracaqlar. Ona görə də, çox diqqətli olmalıyıq. İnanıram ki, bu oyundan yaxşı nəticə ilə ayrılacağıq.

Əli HƏYATİ