]"Keşlə" klubunun futbolçusu Rəhman Hacıyevin Futbolmedia.Az saytına müsahibəsi.

Rəhman Premyer Liqanın 19-cu turunda səfərdə Sabail2ə böyük hesabla qalib gəldiniz. Komandanız möhtəşəm oyun nümaiş etdirərək qələbə qazandınız. Matç haqqında fikirlərin?

İlk öncə deyim ki. əvvəl çoxçətin rəqiblərl oyunlarımız oldu. Lakin bu rəqiblərlə oyunların bizə xeyri də çox oldu. Çünki nə qədər çətin rəqiblərlə oynasaq bi o qədər komandamızın xeyrinə olur. “Səbail”lə oyuna gəlincə isə yaxşı qarşılaşma oldu. Oyun boyu çoxlu sayda real qol imkanlarımız oldu. Bunlardan üçünü dəyərləndirə bildik. Düşünürəm ki, daha çox qol vura bilərdik. Lakin bəzi epizodlarda bəxtimiz gətirmədi. Çox sevindiricidir ki, belə hesabla gözəl qələbə qazandıq.

Belə böyük hesabla qalib gələcəyinizi gözləyirdinizmi. Yoxsa?


Əlbəttə ki, qalib gələcəyimizə inanırdıq. Yəni komandamızdan qələbə gözlənilirdi. Ancaq düzünü deyim ki, belə bir baş üstün oyunla, böyük hesabla qalib gələcəyimizi gözləmirdik.

Deyərdim ki, oyunun ən yaxşılarından biri sən idin. Həm gözəl oynadın, həm də ki, qol vurdun. Bundan başqa rəqib komandanın müdafiəsini daim gərginlikdə saxlamağı bacarırdın. Ötürmələrin isə hər zamanki kimi möhtəşəm idi. Bəs sən öz oyununla bağlı nə deyərdin?


Əlimdən gələni edirəm ki, oyundan – oyuna daha yaxşı olum. Bu mənim oyun üslubumdur. Hər zaman həm hücumda, həm də, müdafiə olunan zaman komandama dəstək olmağa çalışıram. Bu oyunda da, yaxşı təsir bağışladım. Qolum da, gözəl alındı. Hələ bir neçə epizod oldu ki, yenə fərqlənə bilərdim. Çox sevinirəm ki, komandamın qələbə qazanmasında mənim də, payım oldu. Öz üzərimdə daimi çalışıram. İstər məşq zamanı,istərsə də, fərdi məşqlərdə çox istəklə çalışıram. Əlimdən gələni edirəm ki, fiziki potensialımı daha da, yaxşılaşdırım. Futbolçu üçün düzgün qidalanma, yaxşı istirahət də, çox önəmlidir. İlk növbədə, futbolçu özünü və karyerasını düşünməlidir.


Rəhman çoxları deyir ki, sənin oyun üslubun dünya şöhrətli ulduz futbolçu Ronaldoya bənzəyir. Meydanda oyu üslubun, cinahlardan keçidlər, uzaqdan vurduğun qollar və sair. Sən də bu deyilənlərlə razısanmı?

İlk olarqq deyim ki, Ronaldo sevdiyim futbolçulardan biridir. Məni ən çox ona vurduğum qollarla bənzədirlər. Uzaqdan və ani anda vurduğum qollar onu xatırladır. Verdiyi dəqiq ötürmələr və cinah keçidləri. Buna görə həmin insanlara çox minnətdaram. Lakin mən təkcə Ronaldo deyil, digər ulduz futbolçuların da, oyun üslublarından nəisə öyrənirəm. Yaxşı hərəktlərini baxıb götürməyə çalışıram.Belə deyək, istənilən futbolçu yaxşı nələrsə öyrənməlidir. Çünki futbol bir dünyadır. Çox gözəl, çətin, və byük bir idman növüdür. Hər bir futbolçu hər gün nəisə öyrənir. Məndə bu baxımdan öz üzərimə düşəni edirəm.

Əli HƏYATİ