"Səbail" klubunun futbolçusu Adil Nağıyevin Futbolmedia.Az saytına müsahibəsi.

Adil Premyer Liqanın 11-ci turunda “Zirə” ilə qarşılaşdınız. Gərgin keçən oyunda məğlub oldunuz. Matç barədə təsüratların?

Bu oyuna çox yaxşı hazırlaşmışdıq. Bilirdik ki, bizi çətin oyun gözləyir. Yaxşı nəticə qazanmaq üçün çox istəkli idik. Belə çətin rəqiblə gərgin oyun keçdi. Səhv etmirəmsə, “Zirə” bu mövsüm cəmi iki dəfə məğlub olub. Çalışdıq ki, meydanı xalla tərk edək. Çox təəssüflər olsun ki, səhvlərimiz ucbatından məğlub olduq. İkinci yarıda geri dönüş etməyə çalışdıq. Lakin erkən vurulan qol, planlarımızı pozdu. Bundan sonra psixoloji durumumuz aşağı düşdü. Bundan sonra oyunu xilas etmək mümkün olmadı.

Hücumlarınız, sürətli oyununuzla yanaşı rəqibdən çəkinmirsiniz. Lakin meydanı məğlub tərk edirsiniz. Səncə, niyə belə alınır. Bunun əsas səbəbi kimi nəyi göstərərdin?

Düzdü, müəyyən çətinliklər olur. Lakin “Qarabağ"la oyunu misal çəkə bilərəm. Onlarla oyunda əlimizə düşən fürsətləri maksimum dəyərləndirə bildik. Hətta bir çox epizodları dəyərləndirə bilmədik. Bəzən belədə olur. Lakin ümumi götürəndə futbolda belə hallar olur. Oyunlar var ki,yaxşı alınır. Oyunlar da var ki, hər şey edirəsn, lakin alınmır. Bizdə istəyirik ki, oyunumuz əla alınsın. Hər oyunda yaxşı nəticə qazanaq.

Növbəti oyun son ölkə çempionu “Neftçi”yə qarşı olacaq. Səncə, bu oyundan xalla ayrıla biləcəksinizmi?

Əlbəttə ki, hər bir komandadan xal almaq mümkündür. Lakin “Neftçi”nin də hazırda neçə turdu xalsız qalması, əsas amil sayılır. Yəni onlar da, bizimlə oyuna bir geri dönüş matçı kimi baxacaq. Buna görə də, çox ağır oyun olacağını düşünmək olar. Mən maraqlı və bol qollu bir mat olacağını düşünürəm. Lakin nə olur- olsun, meydandan yaxşı nəticə ilə ayrılmaq üçün əlimizdən gələni etməliyik. Layiqli oyun nümaiş etdirmək üçün əlimizdən gələni etməliyik.

Bu rəqibin faha çox nəyindən ehtiyyat edirsiniz. Hücum, əks-hücum, komanda şəklində oynaması, sizin üçün daha təhlükəli ola bilər?

“Neftçi”nin komanda şəklində oyunu çox təhlükəlidir. Bundan başqa hücum xətləri istənilən rəqibə baş ağrısı yaradır. Buna görə, daha diqqətli olamlıyıq. Lakin hər bir rəqibin güclü tərəfləri olduğu kimi, zəif tərəfləri də var. İnşəallah baş məşqçimiz Aftandil müəllim verdiyi tapşırıqları meydanda düzgün yerinə yetirə bilsək, yaxşı nəticə qazana bilərik.

“Səbail”lə müqavilənin müddəti nı vaxt bitir?

Gələn lin may ayının sonunda müqaviləmin müddəti başa açtır.

Bəs başqa klublardan təkliflər varmı?

Düzünü deyim ki, hələ belə bir təklif yoxdur. Bundan başqa bütün fikrim “Səbail”in oyunlarına köklənib. İnşəallah sonra nələr olacaq onu qarşıda biləcəyik.

Əli HƏYATİ