"Neftçi" klubunun futbolçusu Mirabdulla Abbasovun Futbolmedia.az saytına müsahibəsi.

Mirabdulla “Zirə” ilə oyunda məhsuldar bir qarşılaşma izlədik. Belə deyək ki, çətin qələbə qazandınız. Oyun haqda fikirlərin?

Həqiqətən də, çox çətin oyun oldu. Həm bizim, həm də, rəqibin real qol imkanları çox oldu. Belə deyim ki, şans bizim tərəfimizdə oldu. Bu çətin oyundan üç xal qaanmağa nail olduq. Bütün komanda sona qədər mübarizə apardı. Meydan əsl mübarizə şəraitində keçən oyun oldu. Əlimizə düşüən imkanları boşa vermədik.

Növbəti qarşılaşma “Qarabağ”la derbi oyunu olacaq. HÖlkənin belə deyək ən güclü klubuna qarşı oynayacaqsınız. Bu oyunla bağlı hazırlıqlar, necə gedir. Ümumiyyətlə, oyunla bağlı nələr düşünürsən. Çünki “Qarabağ”la keçirilən oyunlarınızda bol qollu, qalmaqallı, sarı və qırmızı vərəqələrin sayı çox olur?

“Qarabağ”la oyun üçün hazırlıqlarımız yüksək səviyyədə gedir. Məşqlərimizi davam edirik. Əlbəttə ki, belə bir rəqiblə oyunun çətin keçəcəyini gözləyirik. Hər zaman derbi oyunu həm maraqlı, həm də,çox gərgin keçib. Bütün bunlara baxmayaraq, meydana yalnız qələbə üçün çıxacağıq.

Belə deyək ki, qələbə şanslarınızı necə dəyərləndirirsən. Bu oyunda məğlub olmamağınız, bir xalla ayrılmağınız “Neftçi” üçün uğurlu hesab ediləcəkmi?

“Neftçi” heç bir oyunda, heç bir rəqiblə oyuna bir xal üçün çıxmır. Yəni biz komanda olaraq bununla razılaşmırıq. Meydana yalnız qələbə üçün çıxırıq. Bu oyunda da, məqsədimiz yalnız qələbədir. Turnir cədvəlindəki mövqelərimiz də açıq-aydın ortadadır. Hır bir xal qızıla bərabərdi.

Sənin özünlə bağlı danışaq. “Neftçi”nin heyətində daim və stabil görünmürsən. Yəni sonradan meydana daxil edilirsən. Bunun səbəbini nədə görürsən?

Bilirsiniz, komandamızda yetərincə yaxşı futbolçular var. Yəni belə güclü komanda da, güclü rəqabət olmalıdır. Mən hər zaman rəqabətin tərəfdarı olmuşam. Bu baş məşqçi Samir müəllimin fikridir. Və oyun fikrinə, seçiminə hörmətlə yanaşıram. İstəyir 3 dəqiqə, istəyir 5 dəqiqə meydanda olum. Mənim üçün əsas məsələ meyda çıxıb istənilən zaman komandama dəstək olmaqdır.

“Neftçi” ilə müqavilənin müddət nə vaxta qədərdi?

Hazırda müqaviləmizin müddəti il yarımdır.

Ümumiyyətlə, yerli vəya, əcnəbi klublardan təklif almısanmı. Bildiyimə görə, sən legioner həyatı yaşamısan?

Düzünü deyim ki, bununla bağlı təkliflər hələ olmayıb. Lakin xarici ölkədə top qovmaq bütün futbolçuların arzusudur. Mən qısa müddət ols da, legioner həyatı yaşamışam. Ümumiyyətlə, legioner həyatı yaşamağa qorxan futbolçulardan deyiləm. Hazırda bütün fikrim “Neftçi” ilə bağlıdır.

Əli HƏYATİ