"Neftçi" klubunun təcrübəli futbolçusu Rəhman Hacıyevin Futbolmedia.Az saytına müsahibəsi.

Rəhman Premyer Liqanın 5-ci turunda evdə “Sumqayıt”ı böyük hesabla məğlub etdiniz. Çox maraqlı və bol qollu bir oyun keçdi. Bu oyunda sən də, qol vuraraq fərqləndin. Lakin sənin vurduğun qoldan və oyunundan az sonra danışacağıq. İlk olaraq, bu oyunu, qələbənizi analiz edərdin. Deyəsən işlər yaxşı gedir?

İlk öncə, onu deyim ki, asan oyun yoxdur. Biz heç bir rəqibimizə yuxardan aşağı baxmırıq. Buna görə yaxşı oyun sərgiləyir, qələbə qazanırıq. Bundan başqa meydanda daha istəkliyik. Meydana çıxıb ən yaxşı oyunlarımızdan birini ortaya qoymağa çalışırıq. Bir sözlə, çox məhsuliyyətlə yanaşırıq. Oyuna gəlincə isə rəqibi hər tərəfli və bütün kompanentlərdə üstələdik. Əlimizə düşən real qol imkanalarını maksimum dəyərləndirməyi bacardıq.

Uğrunuzda və qələbənizdə baş məşqçi Laurntsiu Regekampfın yüksək peşəkarlığı, səviyyəsini, komandanızın nizam – intizamlı olmasını, kolektivinizin mehribançılığını xüsusi qeyd etmək olarmı?

Çox doğru vurğuladınız. Əlbəttə ki, sadaladıınız bu xüsusiyyətlər çox önəmlidir. Belə yaxşı , səviyyəli baş məşqçimizin olması, komandamızda nizam-intizamın höküm sürməsi, kollektiv içində mehribançılığımız da, qələbəmizə dəlalət edir. Mən “Neftçi” komandasının içində olan bir futbolçu olaraq deyirəm ki, biz baş məşqçinin tələblərini meydanda daha yaxşı edə bilsək, daha yüksək səviyyədə oyun sərgiləyərik. Bunu da, edə biləcəyik. Biraz zamana ehtiyyac var. Heyətimizdə kifayyət qədər yeni futbolçular var. Mən özüm də, bu mövsüm komandaya qoşuldum. Baş məşqçimiz yeni gəlib. Yəni gələn legionerləri odaptasiyası üçün vaxt lazımdır. Düşünürəm ki, qısa bir zamandan sonra hər şey əla lacaq. Çox güclü bir “Neftçi” görə biləcəyik. Qış fasiləsinə qədər yaxşı fomaya düşəcəyik. Qış fasiləsində təlim-məşq toplanışı olacaq. Komandamız daha da, güclənə biləcək.


Rəhman deyərdim ki, hörmətlə, sevgi ilə bağlı olduğun “Neftçi”də bu mövsüm qol hesabını açdın. Mən deyərdim ki, vurduğun qolla yanaşı, onu salto vuraraq xüsusi qeyd etməyin belə qola gözəllik qatdı. Hətta baş məşqçi Regekampf vurduğun qolu xüsusi alqışladı. Bu vurduğun qol haqda təsüratlarını bilmək istərdim?

Bilirsiniz, çox adamlar məndən çox şey etməyimi gözləyir. Bir neçə oyunda mən 10 - 15 dəqiqə meydanda oldum. Hətta bəzi oyun oldu ki, meydana çıxmadım. Bu qısa müddət zamanında futbolçunun qeyri adi nəsə etməsi çox çətin məsələdir. Bu qısa dəqiqələr ərzində top səni gəlib 4-5 dəfə tapır. Bu isə çox azdır. Mən də, hər futbolçu kimi öz şansımı gözləyirdim. Əlimdən gələni etdim ki, verilən şansı yaxşı dəyərləndirim. “Sumqayıt”la oyunda şansımı dəyərləndirməyi bacardım. Vurduğum qolun yaxşı alındığını söyləmək olar. Bəli qoldan sonra onu salto vuraraq xüsusi qeyd etmək içimdən gəldi. Düşünürəm ki, pis alınmadı. Mənim bu qola çox ehtiyacım vardı. “Neftçi”yə bu mövsüm gələndən bəri qolum yox idi. Bu bir başlanğıcdır. İnşəallah ardını gətirəcəm.



“Neftçi”yə xüsusi sevginin hətta transfer pəncərəsi dönəmində daha çox hiss edildi. Bildiyim qədər həm ölkənin adlı-sanlı, maliyə təklifi yaxşı olan klublara yox demisən. Hətta Türkiyə 2-ci liqasından da, 2 kluba rədd cavabı verdin. “Neftçi”ni tərci etdin. Doğrudurmu?

“Neftçi”yə çox bağlı bir insanam. Futbolçu kimi olmaq bir kənara, içimdə bu komandaya bir azarkeşlik də, var. Məhz bu üzdən xüsusi sevgim seçilir. Buna görə də, 3-5 min əlavə pula görə, sevgimə, arzuma yox demədim. Çünki “Neftçi” klubu mənim üçün çox əhəmiyyət kəsb edir.

Növbəti oyununuz daha oturuşmuş, güclü rəqib “Qəbələ”yə qarşı olacq. Bu oyunda 3 xal qazanmaq şansınızı necə görürsən?

“Qəbələ” çox yaxşı komandadır. Oturuşmuş heyəti var. Öz oyunları ilə də, bunu sübut edirlər. Çox yaxşı yerli futbolçuları da var. İndidən demək olar ki, onlarla oyun asan olmayacaq. Əksinə çox çətin və ağır oyun bizi gözləyir. Lakin bütün bunlara, rəqibə biz baxmırıq. Meydana çıxıb öz oyunumuzu ortaya qoyacağıq. Rəqib komandanı yaxşı analiz etdikdən sonra baş məşqçinin xüsusi tapşırıqlarını alacağıq. Əlimizdən gələni edəcəyik ki, bu oyundan yaxşı nəticə qazanaq.


Əli HƏYATİ